ئەمڕۆ پێنجشەممە، جاسم محەمەد سەرۆکی دادگای باڵای فیدڕاڵی لە میانی پێشوازیکردنی لە باڵیۆزی هەنگاریا لە عێراق ، گفتوگۆیان لەبارەی چەند پرسێکەوە کرد لەنێویشیاندا بڕیارەکانی دادگای فیدڕاڵی سەبارەت بە مووچەی مووچەخۆرانی هەرێـم.
جاسم عومێری وتی:پێویستە بڕگەکانی ماددەی (١١٠)ی دەستوور سەبارەت بە دەسەڵاتە تایبەتەکانی دەسەڵاتی فیدراڵی و مادەی (١١٧)ی دەستوور سەبارەت بە پەسەندکردنی دەستووری کۆماری عێراق لە کاتی چوونە بواری جێبەجێکردنیدا لەبەرچاو بگیرێت لە هەرێمی کوردستان و دەسەڵاتە هەرێمی و فیدراڵیەکانی ئێستای.

سەبارەت بە مووچەی فەرمانبەرانی هەرێم بە خانەنیشنان و سەرجەم فەرمانبەرانی هەرێمەوە سەرۆکی دادگای فیدڕاڵی باسی لەوە کردووە، بەپێی دەستووری عێراقی ٢٠٠٥ بڕیاردرا مووچەی مووچەخۆران بە نیشتیمانی بكرێت.

جاسم محەمەد وتیشی، “سیستمی دیموكراسی عێراق پێویستی بە دامەزراوەی دەستووری و سیستمی هەڵبژاردنی راست هەیە لەگەڵ هەڵبژاردنی دادپەروەرانە لە ژێر سەرپەرشتی كۆمیسیۆنێكی هەڵبژاردنی سەربەخۆدا”.

بالیۆزی هەنگاریا جەختی لەوە کردەوە، بەردەوام دەبن لە پتەوکردنی پەیوەندییە هاوبەشەکانیان لەگەڵ عێراق لە بوارە جیاوازەکاندا و رۆڵی دادگای باڵای فیدڕاڵی لە چەسپاندنی بنەما دەستووری و دیموکراسییەکان بۆ بنیادنانی سیستەمێکی پەرلەمان لەسەر بنەمای سەروەری یاسا بەرز نرخاند.

-