مەسرور بارزانی داوا لە حکومەتی فیدڕاڵ دەکات قەرەبووی کەسو کاری قوربانیانی کوردستان بکاتەوە
مهسرور بارزانی، سەرۆکی حکومەتی ههرێمی كوردستان رایگهیاند، داوایان لە حکومەتی فیدڕاڵ ئەوەیە کە ڕێز لە قوربانیدانەکانی خەڵکی کوردستان و هەمو قوربانییانی دەستی ڕژێمی پێشوی عێراق بگرێت و بە شێوەیەکی شایستە، قەرەبووی کەسوکاری شەهیدان و زیانلێکەوتووانی ڕژێمی پێشوو بکاتەوە.
مهسرور بارزانی ئهمڕۆ دوشهممه لهمیانی كۆبونهوهیهكدا لهگهڵ لیژنەی شەهیدان و قوربانییان و زیندانییانی سیاسی سەر بە ئەنجومەنی نوێنەرانی عێراق، رایگهیاند، "خەڵکی کوردستان، قوربانییەکی زۆری داوە و ڕوبەڕوی دڕندانەترین شاڵاوەکانی ئەنفال و کیمیاباران و کۆمەڵکوژی و وێرانکاری بوەتەوە و داوامان لە حکومەتی فیدڕاڵ ئەوەیە کە ڕێز لە قوربانیدانەکانی خەڵکی کوردستان و هەمو قوربانییانی دەستی ڕژێمی پێشوی عێراق بگرێت و بە شێوەیەکی شایستە، قەرەبوی کەسوکاری شەهیدان و زیانلێکەوتووانی ڕژێمی پێشو بکاتەوە".
سەرۆکی حکومەت ئاماژهی بهوهشكرد، هەرچی پێیان بکرێت بۆ خزمەتکردنی کەسوکاری شەهیدان و ئەنفالکراوان دەیکەن و "کەمتەرخەمی ناکەین"
سەرۆک و ئەندامانی لیژنەی شەهیدان و قوربانییان و زیندانییانی سیاسی ئەنجومەنی نوێنەران ئاماژەیان بەوەدا، کە ئامانجیان بەهێزکردنی هەماهەنگییە لەگەڵ وەزارەتی کاروباری شەهیدان و ئەنفالکراوان لە پێناو هەموارکردنەوەی چەند یاسایەک بۆ خزمەتکردن و قەرەبوکردنەوەی کەسوکاری شەهیدان و زیندانییانی سیاسی و زیانلێکەوتوانی دەستی ڕژێمی پێشوی عێراق.
كلمات مفتاحية
- کوردستان
- سەرۆکی حکومەتی هەرێم
- لیژنەی شەهیدان و قوربانییان و زیندانییانی سیاسی
- قەرەبووکردنەوەی کەسوکاری شەهیدان
- عێراق