میدیا عێراقییەکان باس لەوە دەکەن، رێككەوتنی سیاسی لە نێوان فراكسیۆنەكانی پەرلەمانی عێراق بۆ كۆبوونەوەی ئەنجوومەنی نوێنەران بۆ هەڵبژاردنی سەرۆكی نوێی پەرلەمان وەک جێگرەوەی مەحەممەد حەلبووسی كراوە.
بەپێی دەنگۆیەکان، زۆرینە پاڵپشتی لە سالم عیساوی دەكەن بۆ ئەوەی ئەو پۆستە وەرگرێت و سەرچاوەیەکی ئاگادار بە یەکێک لە میدیاکانی ڕاگەیاند: "ئەو رێككەوتنە دوای گفتوگۆی فراوانی حزبە سیاسییەكان هات".
شایەنی باسە، سالم عیساوی كاندیدی هەر سێ حزبی (سیادە، عەزم و حەسمی نیشتیمانی) سوننەیە.