وەزارەتی پەروەردە لە نوسراوێکدا داوا لە بەرێوەبەرایەتییە گشتییەکانی پەروەردە دەکات هەماهەنگ بن لەگەڵ تیمی پڕۆژەی هەژماری من و کارئاسانیان بۆ بکەن، هەروەها دوپاتی دەکاتەوە کە پرۆسەی تۆمارکردنی فەرمانبەران لە پڕۆژەکە بەردەوامە.

وەزارەتی پەروەردە نوسراوێکی ئاڕاستەی سەرجەم بەرێوەبەراتییە گشتییەکانی پارێزگا و ئیدارە سەربەخۆکان کردوە و تێیدا هاتوە، پڕۆسەی تۆمارکردنی فەرمانبەران و سودمەندان لە پڕۆژەی هەژماری من بەردەوامە.
لە نوسراوەکەی وەزارەتی پەروەردە ئاماژە بەوەشکراوە، لە پێناو بەردەوامیدان بە هەنگاوەکان و خێراکردنی پڕۆسەکە پێویستە کارئاسانی تەواو بۆ تیمی تایبەت بە پڕۆژەی هەژماری من بکرێت، هەروەها گشت فەرمانبەران رێنوێنی بکرێن و پابەند بکرێن بە کردنەوەی هەژماری بانکی لە رێگەی پڕۆژەکە.