فەرماندەیی ئۆپەراسیۆنەکانی شاری بەغداد ڕایگەیاند کە دەستیکردووە بە ئۆپەراسیۆنێکی ئەمنی لەشەش ناوچەی شاری بەغداد.
فەرماندەیی ئۆپەراسیۆنەکان لەبەیاننامەیەکدا رایگەیاند:-کە هێزەکانی دەستیانکردووە بە ئەنجامدانی پڕۆسەی پشکنین بۆ چەتەو باندو گروپەکانی تاوانی ڕێکخراو و دەرچووان لەیاساو ئەوانەش کە مەرجەکانی نیشتەجێبوونیان پەیڕەونەکردووە، هەروەها هێزەکان هەڵدەستن بە جێبەجێکردنی یاداشتنامەکانی دەستگیرکردن و سەپاندنی یاسا لە ناوچەکانی کەمالیەو شەمماعییەو حەواسیم و شوێنی دۆزینەوەی نەوت و دۆڕەو سوێب لەهەردووناوچەی کەرخ و ڕەسافە.