مونا قەهوەچی، جێگری سکرتێری گشتیی پارتی چاکسازیی تورکمان رایگه‌یاند، وه‌كو پێكهاته‌ی توركمان به‌شداری هه‌ڵبژاردنێك ناكه‌ن كه‌ "پێشوەختە دیزاینی بۆ كراوه‌".

مونا قەهوەچی ئه‌مڕۆ پێنجشه‌ممه‌ له‌میانی لێدوانێكدا بۆ رۆژنامه‌نوسان، له‌باره‌ی نه‌مانی كورسی پێكهاته‌كان رایگه‌یاند، "نەمانی کورسی کۆتا لە پەرلەمانی کوردستان لە بەرژەوەندیی هیچ لایەنێکی سیاسیدا نییە، بڕیارەکەی دادگای فیدراڵی بۆ هەڵوەشاندنەوەی کورسی کۆتا لە پەرلەمانی کوردستان، نایاسایی و نادەستوریی بوو".
ئاماژه‌ی به‌وه‌شكرد، ئامانج لە بڕیارەکەی دادگای فیدڕاڵی عێراق لەنێوبردنی ئەو پێکەوەژیانەی نێوان نەتەوە و پێکهاتەکان بو کە لە هەرێمی کوردستان هەیە.
په‌یوه‌ست به‌ به‌شداریكردنیان له‌ هه‌ڵبژاردنی په‌رله‌مانی كوردستان كه‌ بڕیاره‌ 10ی 6ی 2024 به‌ڕێوه‌بچێت، مونا قه‌هوه‌چی وتی، "تا کورسی کۆتا نەگەڕێندرێنەوە وەکو پێکهاتەکان و بەتایبەت پارتی چاکسازی تورکمان، بەشداری لە هەڵبژاردنی خولی شەشەمی پەرلەمانی کوردستان ناکەین کە پێشوەخستە دیزاینی بۆ کراوە".