بانکی ناوەندی هۆشداری دەداتە هاوڵاتیان لە ئەگەری خراپ بەکارهێنانی کارتی پارەدانی ئەلیکترۆنی
بانکی ناوەندی عێراق رایگەیاند، ئاگاداری هاوڵاتیان دەکەنەوە، لە ئەگەری خراپ بەکارهێنانی کارتی پارەدانی ئەلیکترۆنی، دەست بەسەر کارتەکە دەگیرێت و خاوەنەکەشی روبەروی رێکاری یاسایی دەکرێتەوە بەپێی یاسای بەرەنگاربونەوەی سپیکردنەوەی پارەی ژمارە 39ی ساڵی 2015.
بانکی ناوەندی عێراق لە راگەیەنراوێکدا بڵاویکردەوە، هاوڵاتیان ئاگادار دەکحەنەوە لە خراپ بەکارهێنانی کارتی پارەدانی ئەلیکترۆنی، بانکی ناوەندی بەردەوامە لە دەستبەرداگرتنی ئەو کارتانە و ئاڕاستەکردنی خاوەنەکانیان بۆ نوسینگەی سپیکردنەوەی پارە.
لە راگەیەنراوێ بانکی ناوەندی ئاماژە بەوەشکراوە، راپۆرتی خراپ بەکارهێنانی ئەو کارتانە ئاڕاستەی ئەنجومەنی دادوەری دەکرێت بۆ ئەوەی رێکاری یاسای بەرامبەر بگیرێتە بەر، ئەوەش بە پشتبەستن بە یاسای بەرەنگاربونەوەی سپیکردنەوەی پارە و پارەدارکردنی تیرۆری ژمارە 39ی ساڵی 2015.
ئەوەشخراوەتەڕو، بۆیە داوا لە هاوڵاتیان دەکەن کارتی پارەدانی ئەلیکترۆنی بە هیچ رێگایەکی خراپ بەکارنەهێنن بۆ ئەوەی دوربن لەو رێکارە یاساییانەی بەرامبەر خاوەن کارتەکە دەگیرێتە بەر لە ئەگەری سەرپێچیکردنی.