سودانی پێشوازی لە بڕیارەکەی کۆمکاری عەرەبی دەکەین بۆ پەسەندکردنی داواکارییەکەمان لەبارەی میوانداریکردنی لوتکەی داهاتوو لە بەغدا

00:59 2024-05-17 47049 عێراق 0

2024-05-17

47049

محەمەد شیاع سودانی سەرۆک وەزیران رایگەیاند پێشوازی لە بڕیارەکەی کۆمکاری عەرەبی دەکەین بۆ پەسەندکردنی داواکارییەکەمان لەبارەی میوانداریکردنی لوتکەی داهاتوو لە بەغدا.
ئەمەی خوارەوە دەقی راگەیەندراوەکەی سەرۆک وەزیرانە:-
بە ناوی خوای گەورە و میهرەبان

بە ناوی کۆماری عێراق بە حکومەت و گەلەوە، گەرمترین پێشوازی لە بڕیارەکەی کۆمکاری عەرەبی دەکەین بۆ پەسەندکردنی داواکارییەکەمان لە لوتکەی عەرەبی لە خولی سی و دووەمیدا بۆ میوانداریکردنی کۆبوونەوەی کۆمکاری عەرەبی لەسەر ئاستی لوتکە و لە سی و چوارەمین خولی ئاساییدا، بە سەرۆکایەتی عێراق لە بەغداد و لە ساڵی 2025، هەروەها سوپاس و پێزانینی خۆمان بۆ برایانمان لە کۆماری عەرەبی سوریا دەردەبڕین، کە دەستبەرداری سەرۆکایەتی خولی داهاتوو بوون لە بەرژەوەندی عێراقدا.

برایانمان شا و سەرۆکەکان و سەرۆکی شاندە عەرەبییەکان، جارێکی دیکە دەبنە میوانی بەغدادی مێژوو و شارستانیەت، ئەمەش درێژەپێدەری ڕێبازی وڵاتەکەمانە بۆ تێکەڵبوون لەگەڵ وڵاتانی عەرەبی و بەردەوامبوون لە پێشکەشکردنی ڕۆڵی مێژوویی و گرنگی عێراق و کۆڵەکەی ئاشتی و برایەتی و سەقامگیری و خاکی لێکنزیکبوونەوە، کە کرداری هاوبەشی عەرەبی لەسەر دەچەسپێنرێت و دەرفەتی گەشەپێدان تێیدا گەشە دەکات و تێڕوانینی داهاتوو بۆ گەشەپێدان و ڕووبەڕووبوونەوەی ئاستەنگەکان دادەڕێژرێت.

عێراق بە ئەو هەڵوێستە بنچینەییە و ڕێبازە عەرەبی ئیسلامییە کە پێی ناسراوە کار دەکات، بۆ پشتگیریکردنی پرسەکانی نەتەوەکە، بەمەبستی ئاسانکردنی ڕێگاکان و خستنەگڕی هەموو هەوڵەکان بۆ سەرخستنی لوتکەی بەغداد / 2025، و دڵنیابوون لەوەی کە کۆبوونەوەکان و بڕیار و دەرئەنجامەکانی گواستنەوەیەکی ئەرێنی پێکدەهێنێت و هەنگاوێک دەبێت بۆ پێشەوە بۆ بەدیهێنانی پێداویستییەکانی گەلانی عەرەبیمان لە قۆناغێکی مەترسیداری ڕێپێوان و بوونیان.

بەغداد براکانمان لەخۆدەگرێت لەسەر ڕێگای سەرخستنی پرسەکانی گەلەکانمان و دەبێتە چەترێک بۆ هاوبەشی و کارکردن، بەمەبەستی گەشەپێدانی بەردەوام و سەقامگیری کە داهاتوو مسۆگەر دەکات.

داواکارین لە خودای مەزن سەرکەوتوومان بکات

محەمەد شیاع سودانى
سەرۆکی ئەنجومەنی وەزیران
16ی ئایاری 2024