سودانی: ڕێککەوتنی چوارچێوەی ستراتیژی نەخشەڕێگایەکه‌ بۆ پەرەپێدانی پەیوەندییەکانی داهاتووی نێوان عێراق و ئەمریکا

21:13 2024-04-15 26321 عێراق 0

2024-04-15

26321

ئەمڕۆ دووشەممە، محەمەد شیاع سودانی، سەرۆکی ئه‌نجوومه‌نی وەزیران دووپاتیکردەوە کە ڕێککەوتنی چوارچێوەی ستراتیژی نەخشەڕێگایەکه‌ بۆ پەرەپێدانی پەیوەندییەکانی داهاتووی نێوان عێراق و ئەمریکا.
نووسینگەی ڕاگەیاندنی سەرۆکی ئه‌نجوومه‌نی وەزیران له‌راگه‌یه‌ندراوێکدا،بڵاویکردەوە" محەمەد شیاع سودانی، سەرۆکی ئه‌نجوومه‌نی وەزیران لەگەڵ ئەنتۆنی بلینکن، وەزیری دەرەوەی ئەمریکا کۆبووەوە، ئەمەش لە چوارچێوەی سەردانە فەرمییەکەی بۆ ویلایەتە یەکگرتووەکانی ئەمریکا، لە واشنتۆنی پایتەختی ئەمریکا بۆ تاوتوێکردنی هەوڵەکان بۆ دانانی بناغەکانی پەیوەندییە هاوبەشە درێژخایەنەکان، و چالاککردنی ڕێککەوتنی چوارچێوەی ستراتیژی و لیژنەی باڵای هەماهەنگی هاوبەش لە نێوان ئەو دوو وڵاتە.
هەروەها باس لە کۆمەڵێک لایەنی ئابووری و هەلی وەبەرهێنان بۆ کۆمپانیا ئەمریکییەکان کرا، بەتایبەتی لە بوارەکانی وزە، و ئەگەری فراوانکردنی هاوبەشی لەگەڵ کەرتی تایبەتی عێراق لەو بوارانەی کە گرنگن بۆ بازاڕی عێراق، و هاوکاری لەئاستە جیاوازەکان کە لە بەرژەوەندی هەردوو وڵاتدایە.
سەرۆک وەزیران ئاماژەی بەتێگەیشتنی دوولایەنە سەبارەت بە زۆرێک لە پرسەکان کرد و جەختی لەوە کردەوە کە رێککەوتنی چوارچێوەی ستراتیژی نەخشەڕێگایەکه‌ بۆ پەرەپێدانی پەیوەندییەکانی داهاتووی نێوان عێراق و ئەمریکا".
لە درێژەی راگه‌یه‌ندراوه‌كه‌دا هاتووه‌" کۆبوونەوەکە گرنگترین پرسەکانی ناوچەکە، و ئەوەی لە غەززە ڕوودەدات باسكران، لە کاتێکدا سودانی هەڵوێستی ڕوونی عێراقی لەسەر دەستدرێژیی نوێکردەوە، وجەختیشی کردووەتەوە لەسەر بەرپرسیارێتی هاوبەشی یاسایی و ئەخلاقی بۆ پاراستنی هاوڵاتیانی مەدەنی بێ بەرگری، و گرنگی پشتگیریکردنی هەوڵەکانی هەوڵدان بۆ ڕێگریکردن لە فراوانبوونی ململانێکان وڕێگریکردن لە قوربانیدانی زیاتر گەلی فەلەستین.
له‌لای خۆیەوە بلینکن پێشوازی لە سەردانەکەی سەرۆک وەزیرانی عێراق کرد، وجەختی لەسەر پاڵپشتیی ئیدارەی ئەمریکا بۆ هەڵوێستەکانی عێراق لە ناوچەکەدا کردەوە، هەروەها دووپاتی کردەوە کەئیدارەی ئەمریکا پشتیوانی لە بوونی عێراقێکی بەهێز و دیموکراسی دەکات، کە پشتیوانی بكات له‌هه‌وڵه‌كانی سەقامگیری له‌ناوچەیی و نێودەوڵەتی و هەنگاوەکانی عێراق بۆ پەرەپێدانی پەیوەندییەکانی لەگەڵ وڵاتانی دراوسێ”.
بلینکن ئاماژەی بەوەشکرد" واشنتۆن پاڵپشتی هەنگاوەکانی پەرەپێدان و چاکسازی عێراق دەکات، هەروەها ڕەوتی وەبەرهێنانی غاز و پەرەپێدانی کەرتی وزە و ژێرخانی، هیوای خۆی دەربڕی کە ئەم سەردانە ببێتە هۆی هاوکاری زیاتری نێوان هەردوو وڵات".