ئەمڕۆ دووشەممە، فەرماندەی گشتیی هێزە چەکدارەکان محه‌مه‌د شیاع سودانی لە سەردانەکەیدا بۆ یەکە سەربازییەکان چەند ڕێنماییەکی دەرکرد.
نووسینگەی ڕاگەیاندنی سەرۆکی ئه‌نجوومه‌نی وەزیران  لە ڕاگەیەندراوێکدا بڵاویکردەوە" سەرۆکوەزیران، فەرماندەی گشتی هێزە چەکدارەکان، محەمەد شیاع سودانی، سەرلەبەیانی ئەمڕۆ، سه‌ردانێكی مەیدانێک وگەشتی ئاسمانی بۆ هێڵی ستراتیژی دۆڵی سه‌رسار كرد، کە لە بیابانی سەڵاحه‌ددینەوە درێژدەبێتەوە تا دەگاتە ڕۆژئاوای نەینەوا، هەروەها ئاگاداری ره‌وشی یەکینە سەربازییەکان و یەکەکان و پێکهاتەکان بوو کە لە خاڵە جیاوازەکاندا جێگیرکراون و پانتایی ئه‌م ناوچانه‌یان كۆنترۆڵكردووه‌.
هه‌روه‌ها وتی" سودانی سەردانی بارەگای فەوجێکی 1ی لیوای 91/فیرقەی 21ی سوپای عێراقی کرد، هەروەها بەشێک لەو کۆمپانیا و شوێن و خاڵانەی کە لەسەر هێڵی ستراتیژی دروستکرابوون ودواتر له‌ره‌وشی سه‌ختدا تەواوکرابوو و پێکهاتەکانی هێزە چەکدارەکانمان به‌سه‌ركرده‌وه‌، كه‌ئه‌م شوێنانه‌ بە مەبەستی دەستەبەرکردنی پەیوەندی و یەکگرتوویی نێوان یەکە جیاوازەکان وئۆپەراسیۆنەکان و فەرماندەکانی فیرقە، و ڕێگریکردن لە هەر بۆشایییەک بۆ پاشماوەی تیرۆر كۆنترۆڵكراون، چونكه‌ ئه‌م هێڵە  گرنگترین کۆریدۆرەکان بو بۆ توخمەکانی ڕێکخراوی تیرۆریستی داعش.
راگه‌یه‌ندراوه‌كه‌ وتی" فه‌رمانده‌ی گشتی هێزه‌ چه‌كداره‌كان سەردانی  بارەگای لیوای ٤٤ی هێزەکانی حه‌شدی شه‌عبی (لیوای ئەنسارولمەرجەعییە) لە ناوچەی حه‌زه‌رلە باشووری پارێزگای نەینەوا ئەنجامدا و ئاگادارکرایەوە لە ئامادەکارییە بەرزەکان و مۆڕاڵی بەهێزی ئه‌م هێزه‌ وپێکهاتەکانی دیكه‌ی.
فەرماندەی گشتی هێزە چەکدارەکان جەختی لەلەسەر ئەولەویەتی وریایی و وشیاری، و بەردەوامبوون لە بەدواداچوونی پاشماوەه‌كانی تیرۆر و بێبەشکردنی چەتەکانی لە هەر پێگەیەک یان پەناگەیەکی بۆ حه‌شاردان کردەوە.
دوای کۆبوونەوە و گوێبیست بوون لە ئەفسەر و پلەدارەکان، داوای كرد هەموو پێداویستییەکی شەڕ و تەکنیکی و کارگێڕی بۆیان ده‌سته‌به‌ر بكرێت، و گرنگی تەواو بە پاڵەوانەکان بدرێت لە ئەفسەر و پلە و سەرجەم توخمەکانی یەکەکانی هەڵگری خاڵەکان، و پێداویستیەکانیان و هەموو شتێک کە پەیوەندی بە مافەکانیانەوە هەیە دابین بکات.
فەرماندەی گشتی ئەو مۆڕاڵە بەرزەی بەهێزتر کرد کە ئەندامانی هێزە چەکدارەکانمان بەهرەمەند بوون، و ئامادەیی بەرزیان بۆ مانەوە و قوربانیدان و تەواوکردنی ئەو ئەرک و ئەرکانەی کە پێیان سپێردرابوو ده‌بڕی.
هێڵی دوورخستنەوەی ستراتیژی بە درێژایی 108 کم درێژ دەبێتەوە، لە پارێزگای سەڵاحه‌ددینەوە بەرەو ناوچەی حەزه‌ر درێژ ده‌بێته‌وه‌، وهەموو ڕێگاکە تا ده‌گاته‌ کەرتی ڕۆژئاوای نەینەوا، و ده‌به‌سترێته‌وه‌ بە هێڵێكی ئەمنی دیكه‌ی گرنگه‌وه‌ کە لە ئەلسینیە لە سەلاحه‌ددین درێژ دەبێتەوە -تا حەدیسە لە پارێزگای ئەنبار، و قووڵایی ستراتیژی سنووری عێراق و سوریا و ئاسایشی شارەکانی ئەو پارێزگایانە پێكده‌هێنێت، هەروەها دڵنیایی دەدات لە گەڕانەوەی دانیشتوانی گوندەکان بۆ ناوچەکانی خۆیان و بژێوی ژیانیان بە ئاسایش و سەقامگیری بەڕێوەدەبەن، و ڕاوەدوونانی پاشماوەكانی تیرۆرستی کە پێشتر وەک ڕێڕەوێکی سەلامەت بۆ دزەکردن و ئەنجامدانی تاوان بەکاریان هێنابوو.