وەزیری دەرەوە:بەم نزیكانە وەزیری بەرگری ئیسپانیا سەردانی بەغدا بكات

22:26 2024-01-25 24721 عێراق 0

2024-01-25

24721

فوئاد حسێن ، وەزیری دەرەوە ئەمڕۆ پێنجشەممە ڕایگەیاند، بەم نزیكانە وەزیری بەرگریی ئیسپانیا سەردانی بەغدا دەكات، هاوكات خۆزێ مانوێل وەزیری دەرەوە و یەكێتی ئەوروپا و هاوكاریی ئیسپانیا دووپاتیكردەوە وڵاتەكەی باوەڕی بە یەكگرتوویی و سەروەری عێراق هەیە.
فوئاد حوسێن وەزیری دەرەوە لە كۆنگرەیەكی رۆژنامەوانیدا رایگەیاند: وەزیری دەرەوە ناوەرۆكی كۆبوونەوەكەی لەگەڵ خۆزێ مانوێل خستەڕوو و ڕایگەیاندلە كۆبوونەوەكەدا، ژمارەیەك پرسی گرنگمان تاوتوێ كرد لەوانە، كاراكردنی لیژنەی ھاوبەشی ئابووری نێوان عێراق و ئیسپانیا .
فواد حوسێن ئەوەیش وت كە پەیوەندییە دووقۆڵییەكانی نێوان عێراق و ئیسپانیا، بەردەوام بەرەو پێش دەچن و ،بەم نزیكانە وەزیری بەرگریی ئیسپانیا سەردانی عێراق دەكات.
فوئاد حوسێن باسی لەوەشكرد كە لەگەڵ وەزیری كاروباری دەرەوەی یەكێتیی ئەورووپا و ھاریكاری ئیسپانیا، دۆخی ئەمنی ناوچە و پێشھاتەكانی شەڕی غەززەیان تاوتوێ كردووە و جەختی كردەوە كە پێویستە كار بكرێت بۆ وەستاندنی شەڕەكە و گەیاندنی یارمەتییە مرۆییەكان بۆ غەززە.
وەزیری دەرەوە ڕاشیگەیاند كە ڕۆڵی ئیسپانیای لەچوارچێوەی ھاوپەیمانی نێودەوڵەتی و نێردەی ناتۆ بۆ پاڵپستیكردنی عێراق لە شەڕی دژبە داعش بەرز دەنرخێنن.
لای خۆیەوە وەزیری كاروباری دەرەوەی یەكێتیی ئەورووپا و ھاریكاری ئیسپانیا، خۆزێ مانوێل لە كۆنگرە ڕۆژنامەوانییەكەدا ڕایگەیاند كە ئەوان باوەڕیان بە یەكپارچەی خاكی عێراق ھەیە و دەیانەوێت پەرەی زیاتر بە پەیوەنییەكانیان لەگەڵ عێراق بدەن.
ناوبراو وتیشی: لەگەڵ وەزیری دەرەوەی عێراق سەقامگیری ناوچەكەیان تاوتوێ كردووە، ھەروەھا لەگەڵ عێراق ھەوڵدەدەین چارەسەرێكی ئاشتیانە بۆ وەستاندنی شەڕی غەززە بدۆزینەوە.