مه‌نده‌لاوی ئیدانه‌ی هێرشه‌كانی ئه‌مریكا ده‌كات بۆ سه‌ر باره‌گاكانی حەشدی شەعبی دەکات

21:13 2023-12-26 32282 عێراق 0

2023-12-26

32282

ئەمڕۆ سێ شه‌ممه‌، موحسین مه‌نده‌لاوی سه‌رۆكی ئه‌نجوومه‌نی نوێنه‌ران به‌وه‌كاڵه‌ت ئیدانه‌ی هێرشه‌كانی ئه‌مریكا بۆ سه‌ر باره‌گاكانی حه‌شدی شه‌عبی رایگه‌یاند" به‌توندی ئیدانه‌ی هێرشه‌كانی ئه‌مریكا ده‌كه‌ین كه‌به‌یانی ئه‌مڕۆ له‌دژی ده‌زگاكانی ده‌وڵه‌ت ، باره‌گاكانی حه‌شدی شه‌عبی له‌چه‌ند پارێزگایه‌ك ئه‌نجامیداوه‌ و به‌به‌زاندنێكی مه‌ترسی بۆ سه‌ر سه‌روه‌ری و ئاسایشی وڵات ده‌زانین.

هه‌روه‌ها وتی" دووباره‌ بن پێ كردنی سه‌روه‌ری عێراق و یاریكردن به‌ئاسایش و سه‌قامگیریه‌كه‌ی‌ له‌ژێر هه‌ر دروشمێكی بێت ره‌ت ده‌كه‌ینه‌وه‌، و ئه‌وه‌ی هێزه‌ ئه‌مریكیه‌كان ئه‌نجامی داوه‌ به‌كارێكی دوژمنكاری له‌دژی باره‌گاكانی حه‌شدی شه‌عبی ده‌زانین كه‌له‌ئه‌نجامدا كارمه‌ندێك شه‌هید بووه‌ و 18ی دیكه‌ش بریندرابووه‌ كه‌له‌نێویاندا هاوڵاتی مه‌ده‌نی هه‌یه‌، ئه‌مه‌ له‌ژێر ناوی " وه‌ڵامدانه‌وه‌" بێت كارێكی دژمنكارانه‌یه‌ ده‌بێته‌ هۆی زیان گه‌یاندن به‌به‌رژه‌وه‌ندی هاوبه‌شی نێوان هه‌ردوو وڵات.

هه‌روه‌ها ته‌كه‌زیكرد كه‌ پێویسته‌ دوور بكه‌نه‌وه‌ له‌كرداری له‌م جۆره‌ كه‌هه‌ره‌شه‌ له‌سه‌قامگیری له‌سه‌رانسه‌ری وڵات بكات، و ته‌نها حكومه‌ت مافی ‌سه‌پاندنی یاسا و سزادانی سه‌رپێچیكارانی هه‌یه‌ و نابێت هیچ لایه‌نێك رۆڵه‌كه‌ی پاش گوێ بخات و هه‌یبه‌ته‌كه‌شی ببه‌زێنێت.