سەرۆک کۆمار پێشوازی لە باڵیۆزی کۆماری ئەرمینیا دەکات

22:55 2023-12-07 21321 عێراق 0

2023-12-07

21321

سەرۆک کۆمار د.لەتیف جەمال رەشید، بەگرنگیەوە باسی لەپەیوەندی هاوبەشی نێوان هەردوو وڵاتی عیراق و ئەرمینیا کرد و داوایکرد پەرەی زیاتر بە پەیوەندییەکان بدرێت لەهەموو بوارەکاندا .
بەگوێرەی راگەیەندراوێکی سەرۆکایەتی کۆمار ئەمڕۆ پێنجشەممە 2023-12-7 لە کۆشکی بەغداد، سەرۆک کۆمار پێشوازیکرد لە بەڕێز میساک بالاسانیان، بالیۆزی کۆماری ئەرمینیا لە عێراق و لە دیدارەکەدا جەخت کرایەوە لە گرنگی پتەوکردنی پەیوەندییەکانی نێوان عێراق و ئەرمینیا بە تایبەتی لەبوارەکانی ئابووری، بازرگانی، تەکنەلۆژیا، پەروەردە و گەشتیاری و هەروەها بواری پەرەپێدانی ژێرخانی ئابوری و خزمەتگوزارییەکان بە شێوەیەک کە بەرژەوەندییە هاوبەشەکانی هەردوو وڵات و گەلی دۆست بەدی بێنێت.
هەروەها بەڕێزیان باسی لە سەردانەکەی بۆ ئەرمینیا کردو ئەو دەرەنجامە گرنگانەی کە لێهاتە ئاراوە، بەتایبەتی لە چەسپاندنی پەیوەندییە دوو قۆڵییەکانی هەردوو وڵات، جەختیشی لە گرنگی تەواوکردنی گفتوگۆکان لەبارەی ئەو پرسانە کردەوە کە لەکاتی سەردانەکەدا خرانەروو بە شێوەیەک سوودی هاوبەش بۆ هەردو گەلی عێراق و ئەرمینیا دەستەبەر بکات .
لە بەرامبەردا باڵیۆزی ئەرمینیا جەختی لە پەرۆشی حکومەتەکەی کردەوە بۆ پەرەپێدان و بنیاتنانی پەیوەندییە پتەوەکان لەگەڵ عێراق لەسەر بناغەی بەرژەوەندی هاوبەشی هەردوو وڵاتی دۆست، هەروەک ستایشی سەردانەکەی بەڕێزیانی بۆ ئەرمینیا کرد کە بوەهۆی هاندانی بازرگانان لە یەریڤان و خواستیان بۆ هاوکاری و کارکردن لە بوارە جیاجیاکان لە عێراق.