جێگری سەرۆكی ئەنجوومەنی نوێنەران جەختی لە پرسی خزمەتکردن و ئاوەدانکردنەوەی ناوچەکان کردەوە

14:42 2023-11-16 19080 عێراق 0

2023-11-16

19080

شاخوان عەبدوڵڵا جێگری سەرۆكی ئەنجوومەنی نوێنەران، ئەمڕۆ پێنجشەممە، جەختی لەسەر پێویستی هەوڵدان لەلایەن دامەزراوەكانەوە بۆ چارەسەركردنی پرسی خزمەتگوزارییەكان و ئاوەدانكردنەوەی ناوچەكان كردەوە. نووسینگەی ڕاگەیاندنی جێگری سەرۆكی ئەنجومەنی نوێنەران ڕایگەیاند، “شاخوان عەبدوڵڵا جێگری سەرۆكی ئەنجومەنی نوێنەران، لە نووسینگەی فەرمی خۆی لە بەغدا، بە ئامادەبوونی ژمارەیەك نوێنەر، شاندێكی شێخ و كەسایەتییە ناودارەكانی عەشایەری پێشوازیكرد لە چەند كەسایەتیكەكی پارێزگاكانی زیقار و موسەنا، بە سەرۆكایەتی شێخ ڕیاز فەرهود شەعلان، شێخی هۆزەكانی بەنی زەید”. شاندی میوان خۆشحاڵی خۆیان بە دیداری جێگری سەرۆك پەرلەمان دەربڕی و سوپاس و پێزانینی خۆیان بۆ ئەو پێشوازییە گەرم و بەخێرهاتنە دەربڕی، هاوكات باسیان لە بارودۆخی گشتی وڵات و ڕۆڵی گەورەی عەشیرەتەكان كرد لە دامەزراندنی بناغەكانی ئاسایش، چارەسەركردنی ململانێكان، بەرزكردنەوەی سەقامگیری و پاراستنی ئاشتی كۆمەڵایەتی. هەروەها جێگری سەرۆكی ئەنجومەنی نوێنەران كوێی لە "داواكاری شاندەكە و گەورەیی ئازارەكانی خەڵك لە پارێزگاكانی ناوەڕاست و باشوور بەهۆی نەبوونی خزمەتگوزارییە سەرەتاییەكان و كەمی ئاو گرت". جەختیشیكردەوە، "پێویستی هەوڵدان لەلایەن وەزارەت و دامودەزگا حكومییەكانەوە بۆ چارەسەركردنی پرسی خزمەتگوزاری و ئاوەدانكردنەوەی ناوچەكان"، داوایكرد "گرنگی پابەندبوون بە ناسنامەی نەتەوەیی و پتەوكردنی پەیوەندی خۆشەویستی و برایەتی لەنێوان هەموو پێكهاتەكان".