سوپای ئێران: بە فەرماندەیی موجتەبا خامنەیی، ئەمریکا و دوژمنان پەشیمان دەکەینەوە لە هەر دەستدرێژییەک بۆ سەرمان
لە دەیەمین ڕۆژی ئەو شەڕەی کە لە 28ی شوباتی ئه‌مساڵ ده‌ستیپێكردوه، سوپای ئیسرائیل هێرشەکانی بۆ سەر ناوخۆی ئێران نوێکردەوە،لە بەرامبەردا سوپای ئێران هەڕەشەکانی نوێكرده‌وه و ڕایگەیاند، "بە فەرماندەیی موجتەبا خامنەیی، وا لە ئەمریکا و هەمو دوژمنەکانی دیکە دەکەین کە پەشیمان ببنه‌وه لە هەر دەستدرێژییەک بۆ سەرمان".
سوپای ئیسرائیل ئه‌مڕۆ دوشەممە لە راگەیەندراوێکی کورتدا ڕایگەیاند، شەپۆلێکی نوێی هێرشەکانی لە ناوەڕاستی ئێران دەستپێکردوە و هێرشی كردوه‌ته سه‌ر "ژێرخانی ڕێژیمی ئێران".
ئاماژەی بەوەشکرد، "هێرشیان کردوەتە سەر شوێنەکانی هەڵدانی موشەکی بالیستی، هەروەها بارەگاکانی هێزەکانی ئاسایشی ناوخۆ و بەسیج". هەروەها بارەگای هێزەکانی ئاسایشی ناوخۆ لە ئیسفەهان کراوەتە ئامانج.
هاوکات ڕاپۆرتەکان ئاماژە بەوەدەکەن، بنکەی ئاسمانی بەندەر عەباس لە باشوری ئێران بە دو موشەک هێرش کراوەتە سەر و لە ئەنجامدا تەقینەوەی توندوتیژی ڕویداوە.
هەروەها بەگوێرەی میدیاکانی ئێران، هێرشی ئاسمانی قورس بۆ چەند شوێنێکی شاری ئیسفەهان و ناوچەکانی دیکەی تاران و شاری زەنجان لە باکوری ڕۆژئاوای ئەو وڵاتە ڕاگەیەندراوە، هەروەها بۆردومانەکە ناوچەی شەهرڕەی لە باشوری ڕۆژئاوای تارانیشی گرتەوە.
لە بەرامبەردا سوپای ئێران هەڕەشەکانی نوێكرده‌وه و ئەرکانی گشتیی ئێران ڕایگەیاند، "بە فەرماندەیی موجتەبا خامنەیی، وا لە ئەمریکا و هەمو دوژمنەکانی دیکە دەکەین کە پەشیمان ببنه‌وه لە هەر دەستدرێژییەک بۆ سەرمان".
لایخۆیەوە سوپای پاسدارانی ئێران بەیعەتی خۆی بۆ ڕێبەری مەزنی نوێی ئێران ڕاگەیاند، لە بەیاننامەیەکدا ده‌ڵێت، "سوپای پاسداران وەک سەربازێکی بەهێز و قۆڵی ڕێبەری باڵای كۆماری ئیسلامی ئامادەیە فەرمانەکانی موجتەبا خامنەیی جێبەجێ بکات و پاڵپشتی لەو هەڵبژاردنە بکات کە مەجلیسی شارەزایان ئەنجامی داوە".
هاوکات چەند دەوڵەتێکی کەنداو ڕایانگەیاند، فڕۆکەی بێفڕۆکەوان و موشەکیان بەسەر خاکەکانیاندا له‌ناوبردوه، بەحرەین بڵاویکردەوە، شەوی یەکشەممە لە هێرشێکی فڕۆکەی بێفڕۆکەوانی ئێران بۆ سەر دورگەی سیترا 32 کەس برینداربون.
هەروەها بە گوێرەی ئاژانسی فرانس پرێس، دەنگی تەقینەوە لە ده‌وحەی پایتەختی قەتەریش بیستراوە، وەزارەتی بەرگری قەتەر ڕایگەیاند، هێزەکانیان ڕێگرییان لە هێرشێکی موشەکی کردوە.
وەزارەتی بەرگری کوەیت ڕایگەیاند، وڵاتەکەی کەوتوه‌تە بەر هێرشێکی نوێی موشەک و فڕۆکەی بێفڕۆکەوان و پشتڕاستی کردەوە کە "بەرگری ئاسمانی موشەک و فڕۆکەی بێفڕۆکەوانی بالیستی و کروزی ئێرانیان گرتوە".
لە سعودیە وەزارەتی بەرگری ڕێگری لە دو فڕۆکەی بێفڕۆکەوان ڕاگەیاند، كه بەرەو کێڵگەی نەوتی شەیبە لە باشوری ڕۆژهەڵاتی ئەو وڵاتە دەڕۆیشتن.
كلمات مفتاحية
اخبار ذات صلة
تعليقات
أحدث الاخبار
العراق يتفاوض على تسليم سلاح الفصائل ويستعد لفتح منافذ نفطية جديدة
فصيل عراقي يعلن التزامه بوقف العمليات العسكرية واستكمال السيادة الوطنية
كتائب سيد الشهداء: نبارك إنهاء الوجود الأجنبي ونؤكد الالتزام بالاتفاق المبرم
واشنطن تُعلن طي صفحة التواجد العسكري وتُجدد دعمها للعراق برئاسة الزيدي
الحكومة تعلن وصول شحنة جديدة من الدولار النقدي إلى العراق
ارتفاع أسعار الدولار في بغداد وأربيل مع إغلاق البورصات
الكشف عن تفاصيل محادثات سرية بين دمشق وحزب الله بوساطة تركية
النزاهة تسترد موظفة هاربة من لبنان اختلست أربعة مليارات دينار
الرافدين يباشر بتوزيع رواتب المتقاعدين لشهر تشرين الأول
الإعلام الأمني: تسجيل ستة ملايين قطعة سلاح واستعداد الفصائل لتنظيمها
استكمال إجراءات صرف رواتب المتقاعدين لشهر تشرين الأول
قائمة صباحية بأسعار صرف الدولار في العراق
الزيدي يعلن انسحاب التحالف وتدشين خطة نزع السلاح ودعم الدفاع الجوي
الأنواء الجوية: أمطار متوسطة الشدة غداً
وزير الخارجية: إعداد مسودة خطة حصر السلاح واستكمالها بحزيران المقبل
الزيدي يعلن يوم السيادة وانتقال العراق لعهد السلاح الواحد بيد الدولة
باراك: العراق يقف اليوم على قدميه واكتملت عملية إعادة قواتنا للوطن
