سەرۆک وەزیران: عێراق بەرپرسیارێتی ئەمنی بەرچاوی لە ئەستۆدایە بۆ دەستەبەرکردنی سەقامگیری نێودەوڵەتی

20:55 2026-02-15 23091 عێراق 0

2026-02-15

23091

سەرۆکی ئەنجومەنی وەزیران محەمەد شەیاع سودانی،لەمیانی پێشوازیکردنی لە باڵیۆزی بەلجیکا لە عێراق جەختیکردەوە،کەعێراق بەرپرسیارێتی ئەمنی بەرچاوی لە ئەستۆدایە بۆ دەستەبەرکردنی سەقامگیری نێودەوڵەتی.
نوسینگەی ڕاگەیاندنی سەرۆکی ئەنجومەنی وەزیران لەڕاگەیەندراوێکدا کەدەستی موتەڵع کەوتووە بڵاویکردەوە، سەرۆکی ئەنجومەنی وەزیران محەمەد شیاع سودانی، ئەمڕۆ یەکشەممە، پێشوازی کرد لە باڵیۆزی شانشینی بەلجیکا لە عێراق سێرج دێکشن.

وتیشی لە دیدارەکەدا باس لە پەیوەندی و هاوکاری دوو قۆڵی نێوان عێراق و بەلجیکا و سەرجەم وڵاتانی یەکێتی ئەوروپا لە سەرانسەری بوارە جیاجیاکان و ڕێگاکانی بەرزکردنەوەیان کرا.

وتیشی سودانی جەختی لەوە کردەوە کە عێراق دۆخێکی ئەمنی و سەقامگیری بەخۆیەوە دەبینێت، و بانگهێشتی کۆمپانیا بەلجیکیەکانی کرد بۆ وەبەرهێنان لە عێراق و بەشدار بن لە بووژانەوەی شارستانییەت و گەشەپێدان.

هەروەها لە دیدارەکەد باس لە پێشهاتە نێودەوڵەتی و ناوچەییەکان کرا لە ژێر ڕۆشنایی ئاستەنگەکانی ئێستا، بەڕێزیان جەختی لەوە کردەوە کە عێراق داوای دیالۆگ لە نێوان ئێران و ویلایەتە یەکگرتووەکان دەکات و جەختی لەوە کردەوە کە عێراق بەرپرسیارێتی ئەمنی بەرچاو بە ناو کۆمەڵگەی نێودەوڵەتییەوە هەڵدەگرێت بۆ دەستەبەرکردنی بەردەوامی ئاسایش و سەقامگیری.

هەروەها لە دیدارەکەدا باس لە پرسی زیندانی کراوانی داعش کرا و بەڕێزیان جەختی لەوە کردەوە کە عێراق بەرپرسیارێتی قورسی لە ئەستۆدایە لە دەستبەسەرکردن و دادگایی کردنی ئەندامانی ڕێکخراوەکە بەپێی پێوەرە نێودەوڵەتییەکان، داوای لە وڵاتان کرد هاووڵاتیانیان لەنێو زیندانیاندا بگەڕێننەوە و ڕووبەڕووی یاسایان بکەنەوە.

لای خۆیەوە باڵیۆزی بەلجیکا پیرۆزبایی لە سەرۆکی ئەنجومەنی وەزیران کرد بەبۆنەی سەرکەوتنی هەڵبژاردنەکانی ئەنجومەنی نوێنەرانەوە و جەختی لەوە کردەوە کە عێراق وڵاتێکی سەرەکییە و ڕۆڵێکی بەرچاو لە ناوچەکەدا دەگێڕێت و بۆ یەکێتی ئەوروپا گرنگە، هەروەها ئاماژەی بە خواستی کۆمپانیا بەلجیکاییەکان کرد بۆ بەهێزکردنی بوونی خۆیان و وەبەرهێنانەکانیان لە عێراق.