‏سودانی پێشوازی لەو هاووڵاتییە عێراقییانە دەکات کە لەلایەن سعودیەوە ئازادکران ‏

23:30 2025-09-24 36196 عێراق 0

2025-09-24

36196

ئەمڕۆ چوارشەممە، سەرۆكی ئەنجومەنی وەزیران محەمەد شیاع سودانی،پێشوازی لەو هاووڵاتییە عێراقییانە دەکات کە لەلایەن سعودیەوە ئازادکران جەختیشیکردەوە: پرسی دەستگیركراوەكانی عێراق لە سعودیە لەلایەن حكومەتەوە بە وردی چاودێری دەكرا.

‏نوسینگەی راگەیاندنی سەرۆك وەزیران لە بەیاننامەیەكدا بڵاویکردەوە: سەرۆكی ئەنجومەنی وەزیران محەمەد شیاع سودانی، پێشوازی لەو هاووڵاتییە عێراقییانە كرد كە بەم دواییە لەلایەن دەسەڵاتدارانی سعودیەوە ئازادكران، ئەمەش دوای هەماهەنگییەكی ئاست بەرزی نێوان حكومەتی عێراق و لایەنی سعودیە.

‏بەگوێرەی بەیاننامەكە، سەرۆك وەزیران، لە كاتی گەڕانەوەیان بۆ خاكی نیشتمان بە فڕۆكەیەكی تایبەت بەخێرهاتنی هاووڵاتییە ئازادكراوەكانی كرد و جەختیشیكردەوە: حكومەت بەڵێن دەدات گرنگی بە كاروبارەكانیان بدات و چاودێری بارودۆخەكانیان بكات تا سەقامگیرییان دەبێت.

‏هاوكات سەرۆك وەزیران، ستایشی هەڵوێست و دەستپێشخەری شانشینی سعودی كرد و پێزانینی خۆی بۆ محەمەد بن سەلمان شازادەی جێنشینی سعوودیە دەربڕی، كێ لێخۆشبوونی شاهانەی دەركرد، بە پشتبەستن بە كۆبوونەوەی دوو قۆڵی كە لە میانی لوتكەی بەپەلەی عەرەبی و ئیسلامی كە لەم دواییانەدا لە دەوحە بەڕێوەچوو.

‏تەئكیدیشیكردەوە: كە پرسی عێراقییە دەستبەسەركراوەكان لەلایەن حكومەت و دەزگای هەواڵگری نیشتمانی و باڵیۆزخانە و كونسوڵخانە لە شانشینی سعودیە بە وردی چاودێری كراون، و هەروەها ستایشی هەوڵەكانی شاندی فەرمی كرد بە سەرۆكایەتی بەڕێوەبەری نوسینگەی سەرۆك وەزیران بۆ چارەسەركردنی ئەم پرسە.

‏جەختیشیكردەوە، لەسەر گرنگی پابەندبوونی گەشتیارانی عێراقی بە و تایبەتمەندی هەر وڵاتێك بۆ دووركەوتنەوە لە هەر ئاڵۆزییەكی یاسایی.

‏لای خۆیانەوە خانەوادەی ئەو كەسانەی ئازاد كراون، سوپاس و پێزانینی خۆیان بۆ هەوڵەكانی حكومەت و بەدواداچوونی بە پەرۆشی سەرۆك وەزیران بۆ دۆسیەی دەستگیركراوان و بەشداری كاریگەریان بۆ ئازادكردنی خێرایان دەربڕی.

‏