وەزیرانی ناوخۆ و بەرگری جەختدەکەنەوە لە بەردەوامبوونی هەوڵە هەماهەنگییەكان تا كۆتایی هاتنی زیارەتی چلە ‏

20:14 2025-08-13 43016 عێراق 0

2025-08-13

43016

ئەمڕۆ چوارشەممە، عەبدولئەمیر شەمەری وەزیری ناوخۆ و سابت محەمەد سەعید عەباسی وەزیری بەرگری، جەختیانکردەوە لە بەردەوامی هەوڵە هەماهەنگییەكان تا كۆتایی هاتنی زیارەتی چلە.

‏نوسینگەی ڕاگەیاندنی وەزیری ناوخۆ لە بەیاننامەیەكدا رایگەیاند: وەزیری ناوخۆ و سەرۆكی لیژنەی باڵای ئەمنی بۆ زیارەتی ملیۆنی عەبدولئەمیر شەمەری، لەگەڵ وەزیری بەرگری سابت محەمەد سەعید عەباسی، لە بارەگای فەرماندەیی ئۆپەراسیۆنەكانی كەربەلا بەدواداچوونی كرد بۆ پێشكەوتنی ڕێوشوێنە ئەمنییەكانی یادی چلەی ئیمام حسێن (سەلامی خوای لەسەر بێت).

‏ئاماژەی بۆ ئەوەشكرد: هەردوو وەزیر پێداچوونەوەیان كرد بە وەفدی پێچەوانەی زیارەتكاران و كاری هێزە ئەمنییەكان كە بۆ ئەم ئەركە و ئەركەكانی دیكەیان پێسپێردراوە.

‏هاوكات هەردوو وەزیر، جەختیانكردەوە: لە گرنگی بەردەوامبوون لە یەكخستنی هەوڵەكانی سەرجەم دەزگا و یەكەكانی ئەمنی، و تەئكیدیشیانكردەوە: لەسەر بەردەوامبوونی كاری هەواڵگری لە چوارچێوەی ئەو پلانە ڕێكخراوەییەی كە بۆ ئەم بۆنەیە داڕێژراوە.

‏هەروەها هەردوو وەزیر جەختیانكردەوە: لەسەر بەردەوامی هەماهەنگی هەوڵەكان تا كۆتایی مەراسیمەكانی زیارەت و گەڕانەوەی زیارەتكاران و ئاسانكاری بۆ جموجۆڵیان ، لەگەڵ بەردەوامبوون لە جێگیركردنی هێزی ئەمنی لەسەر ڕێگا سەرەكییەكان بەتایبەتی دەرەكییەكان و دابینكردنی هەموو پێداویستییەكی پێویست بۆ دڵنیابوون لە سەركەوتوویی تەواوكردنی ئەو ئەركە نیشتمانییە.

‏