سودانی فەرمانی تەواوکردنی ڕێکارەکانی قۆناغی یەکەمی پرۆژەی ڕێگای گەشەپێدان دەدات

23:45 2025-08-11 62087 عێراق 0

2025-08-11

62087

ئەمڕۆ دووشەممە, سەرۆکی ئەنجومەنی وەزیران محەمەد شیاع سودانی، لە چوارچێوەی قۆناغی یەکەمی پڕۆژەی ڕێگای گەشەپێدانی ستراتیجی، سەرۆکایەتی کۆبوونەوەی لیژنەی تایبەتی نۆژەنکردنەوەی هێڵی ئاسنینی فاو - فیشخابوری کرد.
‏نووسینگەی ڕاگەیاندنی سەرۆكی ئەنجومەنی وەزیران لە بەیاننامەیەكدا رایگەیاند: "ئەمڕۆ دووشەممە, سەرۆکی ئەنجومەنی وەزیران محەمەد شیاع سودانی، لە چوارچێوەی قۆناغی یەکەمی پڕۆژەی ڕێگای گەشەپێدانی ستراتیجی، سەرۆکایەتی کۆبوونەوەی لیژنەی تایبەتی نۆژەنکردنەوەی هێڵی ئاسنی فاو - فیشخابوری کرد، و تێیدا وەزیری پلاندانان و ژمارەیەک ڕاوێژکاری سەرۆکی ئەنجومەنی وەزیران و نوێنەری وەزارەتە پەیوەندیدارەکان ئامادەبوون".
‏لە میانی کۆبوونەوەکەدا باس لە "بەڕێوەچوونی جێبەجێکردنی ئەوانە کرا، کە لە کۆبوونەوەکانی پێشوودا پەسەند کرابوون، سەبارەت بە قۆناغەکانی پڕۆژەی ڕێگای گەشەپێدان و هەنگاوەکانی دواتر کە پێویستن بۆ تەواوکردنی".
‏بەگوێرەی بەیاننامەکە سەرۆک وەزیران جەختی لە "گرنگی پڕۆژەکە بۆ عێراق و ناوچەکە کردەوە لە ژێر ڕۆشنایی دۆخی پەرەسەندنی، کە تیشکی خستۆتە سەر بەهای ئەم پڕۆژەیە وەک یەکێک لە باشترین ڕێڕەوەکانی جیهان"، و جەختی کردەوە کە "زۆرێک لە وڵاتان لە دەرەوەی ناوچەکە خواستی خۆیان دەربڕیوە بۆ بەشداریکردن لە تەواوکردنی ڕێگاکە، ئەمەش بەهای پڕۆژەکە و توانای ئابووری و گەشەپێدانی دوو هێندە زیاد کردووە".
‏هەر لە کۆبوونەوەکەدا بە وردی باس لە "سەرجەم نەخشەی ڕێگاکان کرا، بە هێڵی ئاسنی عێراقیشەوە، بۆ دەستەبەرکردنی جوڵەی ئاسانی و باس لە میکانیزمی دارایی بۆ یەکەم بەشی شەمەندەفەری ڕێگاکە لە بودجەی ساڵی داهاتوودا کرا، جگە لە تاوتوێ کردنی پرسی خاڵە گرنگەکانی پەیوەندیکردن بۆ ڕێگای گەشەپێدان و بەرێزیان وەزارەتی گواستنەوەی ڕاسپارد بۆ تەواوکردنی سەرجەم ڕێکارە تەکنیکی و کارگێڕییەکان بۆ نۆژەنکردنەوەی هێڵی ئاسنی عێراق و جێبەجێکردنی قۆناغی یەکەمی پڕۆژەکە لە ماوەی داهاتوودا".
‏لە بەشێکی تری کۆبوونەوەکەدا "هەڵوێستی پارێزگارانی بانکی نێودەوڵەتی سەبارەت بە دارایی کردنی قۆناغی یەکەمی پڕۆژەکە و مۆدێرنکردنی هێڵی ئاسنینی بەرز نرخاند".