ئەمریکا لە رێکخراوی یونسکۆ کشایەوە ‏

21:42 2025-07-22 51915 عەرەبی و نێودەوڵەتی 0

2025-07-22

51915

بەهۆکاری" دژە ئەمریکی و دژە ئیسرائیلی"سەرۆکی ئەمریکا کشانەوەی وڵاتەکەی لە ڕێکخراوی پەروەردەیی، زانستی و ڕۆشنبیریی نەتەوە یەکگرتوەکان (یونسکۆ) ڕاگەیاند.
‏
‏دۆناڵد ترەمپ هۆکاری بڕیارەکەی گەڕاندەوە بۆ ئەوەی كه‌ ڕێكخراوه‌كه‌ خواستی "دژە ئەمریکی و دژە ئیسرائیلی" هه‌یه‌، هەروەها باسی له‌وه‌كردوه‌، ئه‌و ڕێکخراوە زیان بە بەرژەوەندییە نیشتمانییەکان دەگەیەنێت.
‏
‏ئاماژەی بەوەشکردوە، بڕیارەکەی ئەمریکا دوای پێداچونەوەیەک هات کە ماوەی 90 ڕۆژە لەلایەن ئیدارەی ترەمپەوە لە مانگی شوباتی ڕابردوەوە ئەنجامدراوە، لەو ماوەیەدا لێکۆڵینەوە لە "دەربڕینی دژە جولەکە" و "هەڵوێستی دوژمنکارانە" بەرامبەر ئیسرائیل لەلایەن ڕێکخراوەکەوە كراوه‌.
‏بەرپرسانی ئیدارەی ترەمپ دژایەتی خۆیان بۆ سیاسەتی فرەچەشنی و یەکسانی و گشتگیری یونسکۆ دەربڕی
‏بەرپرسانی ئیدارەی ترەمپ دژایەتی خۆیان بۆ سیاسەتی فرەچەشنی و یەکسانی و گشتگیری یونسکۆ دەربڕی، ئەوان ناڕەزایەتیان دەربڕی بەرامبەر هەڵوێستەکانی لایەنگری فەڵەستین و پەرەسەندنی بەشداریکردنی چین لە سەرکردایەتی ڕێکخراوەکەدا
‏ئانا کێلی، وتەبێژی کۆشکی سپی ڕایگەیاند، "سەرۆک ترەمپ بڕیاریدا لە یونسکۆ بکشێتەوە، کە پشتگیری لە پرسە ڕۆشنبیری و کۆمەڵایەتییەکان دەکات کە ناکۆکە لەگەڵ ئەو سیاسەتە دروستانەی کە ئەمریکییەکان لە مانگی نۆڤەمبەری 2024دا هەڵیانبژاردوە".
‏
‏ئاماژەی بەوەشکردوە، "سەرۆک هەمیشە ئەمریکا دەخاتە پێشەوە و کاردەکات بۆ ئەوەی دڵنیابێت لەوەی ئەندامێتی ئەمریکا لە ڕێکخراوە نێودەوڵەتییەکان لەگەڵ بەرژەوەندییە نیشتمانییەکانیدا یەکدەگرێتەوە".
‏