وەزارەتی کارەبا سەرکەوتنی پلانی بۆ دەستەبەرکردنی کارەبا بۆ مەراسیمی عاشورا ڕادەگەیەنێت

19:37 2025-07-06 58055 عێراق 0

2025-07-06

58055

ئەمڕۆ یەکشەممە، وەزارەتی کارەبا سەرکەوتنی پلانەکەی بۆ دابینکردنی کارەبای پارێزگاری کەربەلای پیرۆز لە میانەی زیارەتی عاشورا بۆ ئەمساڵ ڕاگەیاند.

‏

‏لە راگەیەندراوێکی وەزارەتی کارەبادا هاتووە: "پلانەکە بریتی بوو لە بەخشینی سێ ئەڵقەی یەکەمی شاری کەربەلا لە پچڕانی کارەبای بەرنامە بۆ داڕێژراو، دابینکردنی کارەبای 24 کاتژمێر، هەروەها زیادکردنی پشکی پارێزگاکە بۆ زیاتر لە 1500 مێگاوات".

‏

‏ئاماژەی بەوەشکردووە: "زیاتر لە 200 ئۆتۆمبێلی تایبەتمەند لە کۆمپانیاکانی وەزارەت لە ناوچەکانی ناوەڕاست و باشوور و فوراتی ناوەڕاست بەشدارییان لە جێبەجێکردنی پلانەکەدا کردووە، ئەمە جگە لە هەوڵی 900 کارمەندی تەکنیکی کە کاریان بۆ چارەسەرکردنی کێشە فریاگوزارییەکان و دڵنیابوون لە بەردەوامیی خزمەتگوزارییەکە کردووە".

‏

‏وەزارەتەکە ئاماژەی بەوەدا: "بەدواداچوونی مەیدانی وەزیر، کە سەرپەرشتی دۆخی دابینکردنی وزەی کرد و لەگەڵ خاوەن دەستە خزمەتگوزارییەکان،و پابەندبوونی خۆی بە دابینکردنی پێداویستییەکانیان و دەستەبەرکردنی ئاسوودەیی حاجیان دووپاتکردەوە".

‏وەزارەتی کارەبا "سوپاسی هەموو ئەو کارمەندانەی کرد کە لە کەربەلا کاردەکەن بۆ هەوڵ و خۆبەخشییان"، "سوپاس و پێزانینی خۆی بۆ ئەو دەزگا و دامەزراوانە دەربڕی کە بەشداربوون لە سەرکەوتنی پلانەکە، بەتایبەتی وەزارەتەکانی خزمەتگوزاری و حکومەتی خۆجێی لە کەربەلا"، جەختیشی کردەوە کە "ئەم سەرکەوتنە بەرهەمی هاوکاری هاوبەشە بۆ خزمەتکردنی شارە پیرۆزەکە و سەردانکەرانی".