سوریا ... زیادکردنی مووچەی خانەنشینان بە ڕێژه‌ی له 200% ‏

22:51 2025-06-22 56032 عەرەبی و نێودەوڵەتی 0

2025-06-22

56032

ئەمڕۆ یەکشەممە، ئه‌حمه‌د شه‌رع سه‌رۆكی ڕاگوزەری سوریا فه‌رمانێكی یاسایی ده‌ركرد بۆ زیادکردنی موچه‌ی خانه‌نشینی به‌ ڕێژه‌ی 200%، وه‌زاره‌تی داراییشی ڕاسپارد بۆ ئاماده‌كردنی ڕه‌شنوسی هه‌مواركردنه‌وه‌ی یاسای خانه‌نشینی.
‏
‏به‌گوێره‌ی فه‌رمانێكی سه‌رۆكایه‌تی سوریا كه‌ واژۆی ئه‌حمه‌د شه‌رعی له‌سه‌ره‌ و ئه‌مڕۆ 22ی (حوزه‌یرانی 2025 ده‌رچوه‌، ئامانجی باشتركردنی بارودۆخی ژیانی خانه‌نشینه‌كانه‌ له‌نێو زیادبونی ئاسته‌نگه‌ ئابورییه‌كان.
‏
‏به‌گوێره‌ی فه‌رمانی ژماره‌ (13)ی ساڵی 2025، سه‌رجه‌م خانه‌نشینان و سودمه‌نده‌كانیان، جگه‌ له‌و هاوڵاتییه‌ مه‌ده‌نییانه‌ی خانه‌نشینی كه‌مئه‌ندامی وه‌رده‌گرن كه‌ په‌یوه‌ندییان به‌ هیچ خاوه‌نكارێك یان خانه‌نشینییه‌كی دیكه‌وه‌ نییه‌، سودمه‌ند ده‌بن له‌و زیادكردنه‌.
‏
‏
‏له‌ فه‌رمانه‌كه‌دا دوپاتیكراوه‌ته‌وه‌، ئه‌م زیادكردنه‌ كاریگه‌ری له‌سه‌ر كه‌مترین خانه‌نشینی نابێت، زیادكردنه‌كه‌ش بۆ خانه‌نشینانی كه‌رتی تایبه‌ت، نابێت له‌ هاوتاكانیان له‌ كه‌رتی گشتی زیاتر بێت.
‏
‏
‏له‌ فه‌رمانه‌كه‌دا وه‌زیرانی دارایی و كاروباری كۆمه‌ڵایه‌تی و كار ڕاسپێردراون، بۆ ده‌ركردنی ڕێنمای تایبه‌ت به‌جێبه‌جێكردنی فه‌رمانه‌كه‌، ئه‌مه‌ جگه‌ له‌وه‌ی ئه‌ركی خستۆته‌ ئه‌ستۆی وه‌زاره‌تی دارایی بۆ ئاماده‌كردنی ڕه‌شنوسی هه‌مواركردنه‌وه‌ی یاسای خانه‌نشینی.