عێراق لە ڕێگەی هاوکاریی بەهێز لەگەڵ ڕێکخراوی فاو هەنگاو بەرەو ئاسایشی خۆراک دەنێت

19:14 2025-05-25 79092 عێراق 0

2025-05-25

79092

ئەمرۆ یەکشەممە"محەمەد شیاع سوودانی سەرۆک وەزیران ،جەختی کردەوە کە ستراتیژیەتی نیشتیمانی بۆ ئاسایشی خۆراک لە بنچینەی هاوکاریمانە لەگەڵ ڕێکخراوی خۆراک و کشتوکاڵی نەتەوە یەکگرتووەکان (فاو)، لە بواری بەهێزکردنی بەرهەمی ناوخۆیی و کەمکردنەوەی هاوردە و گەیشتن بە خۆبژێوی لە بەرهەمی گەنم، هەروەها پشتگیری جوتیاران و کشتوکاڵ.
نوسینگەی ڕاگەیاندنی سەرۆک وەزیران،لە ڕاگەیەندراوێکدا، کەموتەڵع کەوتووە،تیایدا هاتووە : ئەمرۆ یەکشەممە "محەممەد شیاع سوودانی"سەرۆک وەزیران،پێشوازی لە "شو دۆنیۆ "بەڕێوەبەری گشتی ڕێکخراوی خۆراک و کشتوکاڵی سەربە نەتەوە یەکگرتووەکان (فاو) کرد.
وەک ڕاگەیەندراوەکە ئاماژەی پێداوە : سەرۆک وەزیران ،جەختی کردەوە لەسەر گرنگی هاوکاری لەگەڵ ڕێکخراوەکە بۆ جێبەجێکردنی ڕاسپاردەکانی کۆنفرانسەکانی بەغدا بۆ ئاو، بۆ ڕووبەڕووبوونەوە لەگەڵ گۆڕانکاریەکانی کەش و هەوا کە کاریگەریان لەسەر ژینگە هەبووە و بووەتە هۆی کەمی ئاو و بەبیابانبوون،هەوڵەکانیانی بەرزی نرخاند بۆ ڕۆڵیان لەو پرۆژانەی کە ڕێکخراوی (فاو) لە عێراق جێبەجێیان دەکات.
بەگوێرەی ڕاگەیەندراوەکە : سوودانی ئاماژەی بەوە داوە کە ستراتیژیەتی نیشتیمانی بۆ ئاسایشی خۆراکی بنچینەی هاوکارییە لەگەڵ ڕێکخراوەکە، لە بواری بەهێزکردنی بەرهەمهێنانی ناوخۆیی و کەمکردنەوەی هاوردە و بەدەستهێنانی خۆبژێوی لە بەرهەمی گەنم،هەروەها پشتگیری جوتیار و کەرتی کشتوکاڵ.
هەر بەگوێرەی ڕاگەیەندراوەکە : سەرۆک وەزیران جەختی کردەوە لەسەر گرنگی دەرئەنجامەکانی کۆنفرانسی ئابووری کاربۆن کە لە بەغدا ئەنجامدرا، و واژۆ کردنی لێک تێگەیشتن ، کە عێراق لەگەڵ کۆمپانیا جیهانییەکان کردی بۆ گەشەپێدانی ئابووری سەوز ،هەروەک ئاماژەی بەوەدا کە پێویستە دەرئەنجامەکانی کۆنفرانسی 36 ی هەرێمی ڕۆژهەڵاتی ڕێکخراوی FAO کە لە بەغدا ساڵی 2022 ئەنجامدرا جێبەجێ بکرێت و پشت پێبەسترێت بۆ دڵنیایی لە گۆڕان بەرەو سیستەمی تەکنەلۆژی نوێ و پشتگیری پرۆژە بچووکەکان و بەرزکردنەوەی توانای گەنجان و ڕۆڵی ژنان.
راگەیەندراوەکە ئەوەشی خستۆتە ڕوو : کە لە بەرامبەردا "شو دۆنیۆ " جەختی کردەوە لەسەر "بەردەوامی هەماهەنگی لەگەڵ عێراق و ئامادەیی بۆ دەستپێکردنی پرۆژەیەک کە توانای بەرەنگاربوونەوەی گۆرانکارییە کانی کەش و هەوا هەبێت، کە 40 ملیۆن دۆلار تەرخان کراو بەهاوبەشی عێراق و ڕێکخراوەکە.