حکومەت جەخت لە بەکارهێنانی واژۆی ئەلیکترۆنی بۆ تەواوکردنی مامەڵەی هاوڵاتیان دەکاتەوە

16:42 2025-05-25 89172 عێراق 0

2025-05-25

89172

ئەمڕۆ یەکشەممە، سەرۆکی ئەنجومەنی وەزیران محەمەد شەیاع سودانی جەختیکردەوە لە بەکارهێنانی واژووی ئەلیکترۆنی بۆ تەواوکردنی مامەڵەی هاوڵاتیان
‏
‏نسینگەی راگەیەندنی سەرۆک وەزیران لە بەیاننامەیەکدا بڵاویکردەوە:- سودانی سەردانی وەزارەتی داد و فەرمانگەی تۆمارکردنی خانووبەرەی کرد و جەختی لەوە کردەوە کە سەردانەکەی بۆ وەزارەت دەگەڕێتەوە بۆ گرنگی ئەو ڕۆڵەی کە دەیگێڕێت لە پێشکەشکردنی خزمەتگوزاریدا، چونکە فەرمانگەکانی لەنێو ئەو فەرمانگانەن کە زۆرترین پەیوەندییان لەگەڵ هاوڵاتیاندا هەیە.
‏
‏ ئاماژەی بەوەکرد:-سەرۆک وەزیران فەرمانگەکانی بەڕێوەبەرایەتی تۆمارکردنی خانووبەرەی بەسەر کردەوە و چاوی بە کۆمەڵێک هاووڵاتی سەردانکەر کەوت و گوێی لە تێبینی و پێداویستییەکانیان گرت، هەروەها پێداچوونەوەی بە پێشکەوتنی کارەکان کرد لە هەموو قۆناغەکانی خزمەتگوزاری و کارگێڕیدا.
‏
‏لەمیانی سەردانەکەیدا سودانی جەختی لەپێویستی هەنگاونان بەرەو گۆڕانکارییەکی تەواو کردەوە بۆ ئۆتۆماتیکی و کاری ئەلیکترۆنی، بەمەبەستی ئاسانکردنی پێداویستییەکانی هاووڵاتیان و خێراکردنی ئەنجامدانی مامەڵەکان و لابردنی ئاستەنگەکان و بەرەنگاربوونەوەی گەندەڵی و کەمکردنەوەی فشارەکان لەسەر فەرمانبەران، ئەمەش لە بیرۆکەی حکومەتێکی خزمەتگوزارییەوە سەرچاوە دەگرێت، کە تەنها دروشم نییە، بەڵکو دەستنیشانکردنێکە بۆ گرنگی بەرزکردنەوەی خزمەتگوزارییەکان بۆ گەڕاندنەوەی متمانە لە نێوان دامەزراوەکان و ڕۆڵەکانی گەلەکەماندا.
‏
‏سەرۆکی ئەنجومەنی وەزیران ئاماژەی بە کێشەی قەرەباڵغی کرد لەدامودەزگاکانی وەزارەتی داد، بەهۆی نەبوونی بیناوە لەبەغداد و پارێزگاکان و جەختی کردەوە لەسەر پرسی کارکردن بە واژۆی ئەلیکترۆنی لەتەواوکردنی مامەڵەی هاوولاتیاندا لەگەڵ بوونی ئەوانەی کە دەیانەوێت ڕێگری لەکارەکان بکەن و شتەکان وەک خۆیان بهێڵنەوە، ئەمەش پێویستی بەوەیە بەڕێوبەران چارەسەری بۆ بدۆزنەوە بەتایبەتی لەبواری بەرەنگاربوونەوەی گەندەڵیدا کە یەکێکە لەتەوەرەکانی هەڵسەنگاندنی بەرپرسان.
‏
‏ سودانی پێداچوونەوەی بە دۆخی فەرمانگەی چاکسازی کرد و جەختی لەوە کردەوە کە پێویستە ببێتە ماڵێک بۆ چاکسازی زیندانیان لەڕێگەی کارکردنەوە بۆ چارەسەرکردنی کێشەی قەرەباڵغی و ئاسانکردنی پرۆگرامەکانی خوێندن و نەهێشتنی نە خوێندەواری لەناو بەندیخانە و فەرمانگەکانی چاکسازیدا، هەروەها جەختی کردەوە لەسەر بەدواداچوون بۆ ڕێوشوێنەکانی ئامادەکردنی زەوی بۆ فەرمانبەرانی وەزارەت و چارەسەرکردنی سەرجەم ئەو کێشانەی کە ڕێگرن لەم بابەتە.
‏
‏
‏