ڕاوێژکاری سودانی تەوەرە هەرە دیارەكانی كارنامەی لوتكەی عەرەبی داهاتو دەخاتەڕوو

14:24 2025-05-10 52197 عێراق 0

2025-05-10

52197

ڕاوێژكاری سه‌رۆك وه‌زیرانی عێراق ڕایگه‌یاند، بەرزكردنەوەی هاوكارییە ئابورییەكانی نێوان وڵاتانی عەرەبی یەكێكە لە تەوەرە هەرە دیارەكانی كارنامەی لوتكەی عەرەبی داهاتو، ده‌شڵێت، ئەو هاوكارییە بەردی بناغەی بەدەستهێنانی یەكگرتنی ئابوری و بەرزكردنەوەی سەقامگیری ناوچەكە و كردنەوەی ئاسۆی فراوان بۆ گەشەپێدانه‌.

مەزهەر محەمەد ساڵح، ڕاوێژكاری دارایی سەرۆك وەزیرانی عێراق ئەمڕۆ شەممە بە ئاژانسی هەواڵی عێراقی (INA)ی ڕاگەیاند، "پەیوەندی سەقامگیری نێوان وڵاتانی عەرەبی بەشدارە لە ئاڵوگۆڕی بازرگانی و بەرزكردنەوەی بازرگانی ناوچەیی، ناوچەی عەرەبی بە فاكتەرەكانی یەكڕیزی و كولتوری جیادەكرێتەوە، ئەوەش سەرنجڕاكێشێكی گەورەی ئابوری هەرێمی پێدەبەخشێت".
ئاماژەی بەوەشكرد، ڕێككەوتنی عەرەبی دامەزراو هەیە كە دەتوانرێت چالاكبكرێن بۆ پاڵپشتیكردنی ئەو ڕەوتە، لەوانە ڕێككەوتنی بازرگانی ئازاد كە لە ساڵی 1952 واژۆكرا و دواتر هەمواركرایەوە، هەروەها ڕێككەوتننامەی وەبەرهێنانی دولایەنە و بەكۆمەڵ.
ڕاوێژكاره‌كه‌ی سودانی ڕونیشیردەوە، "عێراق پێگەیەكی سەرەكی لەسەر نەخشەی ئابوری عەرەبی هەیە، بەو پێیەی وڵاتێكی سەرەكییە لەسەر هەردو باڵی كەنداو و دەریای ناوەڕاست، هەروەها درێژبونەوەی ستراتیژی هەیە بەرەو ئەفریقا و شام".

ئه‌وه‌شی خسته‌ڕو، گەڕانەوەی عێراق بۆ ڕۆڵی ئابوری خۆی، بەتایبەتی لەگەڵ بەڕێوەچونی لوتكەی عەرەبی لە بەغدا، نوێنەرایەتی گەڕاندنەوەی شكۆمەندی عەرەبی و بەهێزی ناوچەكە و گەلانی دەكات، عێراق دروستكەری ئابوری ئاشتی بوە و بەردەوامیشی هەیە، هەروەها بەشداریكردنی كارای لە بنیاتنانی هاوپەیمانییەكی ئابوریی عەرەبی دەبێتە خاڵی دەستپێك بۆ ڕوبەڕوبونەوەی ئەو تەحەددای و هەڕەشە و مەترسیانەی كە ڕوبەڕوی نەتەوەی عەرەبی دەبێتەوە.