دەزگای ئاسایشی نیشتمانی عێراق دەستگیرکردنی بەرپرسێکی بەعس لە هەولێر ڕاگەیاند

19:36 2025-02-26 73030 كوردستان 0

2025-02-26

73030

دەزگای ئاسایشی نیشتمانی عێراق یەکێک لە بەرپرسەکانی ڕژێمی بەعس دەستگیرکردووە کە بە چەندین تاوانی کوشتن و لەسێدارەدان تۆمەتبارە، هەروەها بە تاوانی چاندنی بۆمب لەناو گیرفانی زیندانیان و تەقاندنی و کوشتنی دەیان هاوڵاتی كورد.

دەزگای ئاسایشی نیشتیمانی عێراق ئەمڕۆ چوارشەممە ڕایگەیاندووە، "تاوانبار خەیروڵڵا حەمادی یەکێک بووە لە بەرپرسە باڵاکانی دەزگای داپلۆسێنەری بەعس کە سەرپەرشتی و تاوانی دژی چەندین هاوڵاتی بێ تاوان ئەنجامداوە".
دەزگای ئاسایشی نیشتمانی عێراق بەشێک لە تاوانی ئەو کادرەی حیزبی بەعس لە سەردەمی ڕژێمی سەدام حوسێن بڵاوکردەوە و ڕایگەیاندووە، خەیروڵڵا حەمادی بەرپرسی راستەوخۆی گرتن و ئەشکەنجەدانی ئەندام و کادیرانی حیزبی دەعوەی ئیسلامی بوو لە پیاوان و ژنان، هەروەها بەرپرسی گرتن و ئەشکەنجەدانی هاوڵاتیانی کورد بووە لە شاری بەغداد لە ساڵی 1974، لەگەڵ ئەوەشدا بەرپرسی دەرکردن و کۆچکردنی هاوڵاتیانی ناوچەی نوگرە سەلمان بووە لە ساڵی 1980، بەرپرسی جێبەجێکردنی چەندین تاوانی لەسێدارەدان بووە دژی هاوڵاتیانی عێراقی، بەرپرسی سەرپەرشتی ئیعدامکردنی هاوڵاتیان و زیندانیان بووە لە زیندانی ئەبوغرێب لە ساڵانی 1980 تاوەکو 1986، هەروەها بەرپرسی جێبەجێکردنی لەسێدارەدان بووە بە شێوازێکی دڕندانە لەرێگای تەقاندنەوە بۆمب لەسەر دڵی گیراوەکان و کردنی بۆنەی لە گیرفانیان لە ساڵی 1984.

بەگوێرەی زانیارییەکان، خەیروڵڵا حەمادی لە هەولێر دەژیا و دوای فشارێکی زۆری حکومەتی عێراق بۆ سەر دەسەڵاتدارانی هەولێر، ئەو بەرپرسە بەعسیە دەستگیرکرا.