وەزیری دەرەوەی ئێران لەگەڵ سەرۆک کۆماری سووریا کۆبووەوە و پشتیوانی ئێرانی بۆ دەربڕی

23:31 2024-12-01 111850 عەرەبی و نێودەوڵەتی 0

2024-12-01

111850

وەزیری دەرەوەی ئێران لەگەڵ سەرۆک کۆماری سووریا له دیمەشق کۆبووەوە.
ئەمڕۆ یەکشەممە، عەباس عێراقچی وەزیری دەرەوەی ئێران لە سەردانی بۆ دیمەشق لەگەڵ بەشار ئەسەد سەرۆک کۆماری ئێران دیدار و گفتوگۆی کرد.
لەمیانەی کۆبوونەوەی وەزیری دەرەوەی ئێران لەگەڵ بەشار ئەسەد، عەیدباس عێراقچی جەختی لە درێژەدان بە هەڵوێستی کۆماری ئیسلامی ئێران لە پێشکەشکردنی پشتیوانیی هەموو لایەنە بۆ حکومەت و سوپای سووریا بۆ بەرەنگاربوونەوەی تیرۆر و پاراستنی ئاسایش و سەقامگیری ناوچەکە کردەوە، ئەوەش بەگوێرەی ڕاگەیاندراوێکی وەزارەتی دەرەوەی ئێران.

وەزیری دەرەوەی ئێران گەیشتە دیمەشقی پایتەختی سووریا.
ئێوارەی ئەمڕۆ یەکشەممە 1ـی کانوونی دووەمی 2024، وەزیری دەرەوەی ئێران عەباس عێراقچی بە سەردانێکی بەپەلە گەیشتە دیمەشقی پایتەختی سووریا و بڕیارە لەگەڵ گەورە بەرپرسانی ڕژێمی سووریا کۆببێتەوە، لەسەر پرسی ئاڵۆزی ناوخۆییەکانی سووریا لە پارێزگاکانی حەلەب و حەماە.

وێنە گەورەکە ئەوەیە: ئۆپۆزسیۆنی چەکداری سووریا هێرشی کردەسەر شارەکانی حەلەب و ئیدلب لەباکووری سووریا و دەستیان بەسەر تەواوی شاری حەلەب دا گرا، پاش ئەوەی دەستیان بەسەر تەواوی گوندەکانی ڕۆژئاوای شاری حەلەبدا لە باکووری سووریا گرت و هەروەها دەستیان بەسەر شاری سەراقب دا گرت کە لە ڕووی ستراتیژییەوە گرنگە لەدوای شەڕێکی سەخت لەگەڵ هێزەکانی ڕژێمی سووریا و هاوپەیمانەکانیان، دواجار دوێنێ شەممە زۆرینەی شاری حەلەبی کۆنترۆڵکرد.
ئۆپۆزسیۆنی سووریا ڕایگەیاند، "لەماوەی چەند کاتژمێرێکدا حەلەب لە ڕووی سەربازی و ئەمنی پارێزراو دەبێت و دواتر پارێزگاکە بەتەواوی لەدەست ڕژێمی سووریا و بەشار ئەسەد ئازاد دەکرێت".
لەلایەکی ترەوە، وتەبێژی هێزەکانی سووریای دیموکرات (هەسەدە)، فەرهاد شامی دوێنێ ڕۆژی هەینی ڕابردوو لە لێدوانێکیدا لەگەڵ کەناڵی ڕووناهی گوتوویەتی: بەچڕی چاودێری دۆخی حەلەب دەکەین، ئەم هێرشانە و توندوتیژیەی حەلەب لەلایەن تورکیاوە پاڵپشتی دەکرێت.
فەرهاد شامی لەبارەی هەڵوێستی هەسەدە لەو توندوتیژیانە وتی: ئەرکی ئێمە پاراستنی گەل و خاکەکەمانە و لەکاتی پێویستدا هەڵوێستمان دەبێت و وەڵام دەدەینەوە.
لەسەر ئەم ڕووداوانە، وەزارەتی دەرەوەی تورکیا لە بەیاننامەیەکدا ڕایگەیاند: پاراستنی سەقامگیری لە ئیدلب و ناوچە سنوورەکانمان، وەک ئەولەویەتێک بۆ تورکیا دەمێنێتەوە.
دواجار دوێنێ شەممە 30ـی تشرینی دووەمی 2024، روانگەی سوورى بۆ مافەکانى مرۆڤ ئاشکرایکرد، کە چەکدارانی ئۆپۆزسیۆنی سووریا (ئەحرار ئەلشام - جولانی) کە لەلایەن تورکیاوە پاڵپشتی دەکرێت زیاتر لەنیوەى حەلەبى گرتووە و سوپای سووریا لە تەواوی شارەکە کشاوەتەوە.