سه‌رچاوه‌ میدیاییه‌كانى ئێران باس له‌ ده‌ركردنى پاسپۆرتی عێراقى بۆ سکرتێری گشتیی حیزبی دێموکراتى رۆژهەڵاتی كوردستان ده‌كه‌ن.
ئاژانسی هەواڵی تەسنیمی ئێرانی ئاشکرای کرد کە دەسەڵاتدارانی هەرێمی کوردستان بەڵگەنامەیەکی سەفەر و پاسپۆرتی عێراقییان بۆ مستەفا هیجری سکرتێری گشتیی حیزبی دێموکراتى كوردستانى رۆژهەڵات دەرکردووە، ئاژانسی ته‌سنیمى ئێرانی لە زاری سەرچاوە عێراقییەکانەوە ئاماژەی بەوە کردووە کە ئەو بەڵگەنامەیەی کە لەلایەن دەسەڵاتدارانی هەرێمی کوردستانەوە بڵاوکراوەتەوە بە مەبەستی ئاسانکاریکردنە بۆ جوڵەی سەرۆکی پارتی دیموکراتی رۆژهەڵاتی کوردستان، مستەفا هیجری کە لەلایەن دەسەڵاتدارانی ئێرانەوە داواکراوە.
ئاژانسە ئێرانیەکە هەروەها دەسەڵاتدارانی هەرێمی کوردستانی لە هەرێمی هەولێر تۆمەتبار کرد بە حه‌وانه‌وه‌ى ئۆپۆزسیۆنى ئێرانی و پشتیوانیکردنی ئۆپۆزسیۆنی کورد و جەختیشی کردەوە لەوەی کە دەرکردنی دۆكیۆمێنت و بەڵگەنامەی عێراقی بۆ كه‌سایه‌تییه‌  ئۆپۆزسیۆنه‌كانى ئێران پێشێلكارییه‌كى روون وئاشكراى ده‌ستوورى عێراقه‌،ئەمەی خوارەوە چەند وێنەیەکی پاسپۆرتەکەیه‌ كه‌  ئاژانسی موته‌ڵع ده‌ستى كه‌وتووه‌.