دەستەی مافی مرۆڤی هەرێم: دژی ئهو لێدوانانهین کە سوکایەتی بە ئایینە جیاوازەکان دەکەن
دەستەی سەربەخۆی مافی مرۆڤ لە هەرێمی کوردستان لهوهڵامی وتهكانی ئاوات حسامەددین، كه وهك نوێنەری ئایینی زەردەشتیەکان له کوردستان خۆی ناساندوه، رایگهیاند، دژی ئەو جۆرە لێدوانانەن کە سوکایەتی بە ئایینە جیاوازەکان دەکەن و شعوری هاوڵاتیان بریندار دەکەن.
دەستەی سەربەخۆی مافی مرۆڤ لە هەرێمی کوردستان ئهمڕۆ شهممه له راگهیهندراوێكدا لهبارهی لێدوانی هاوڵاتییەکی ئایینی زەردەشتی کە "سوکایەتی بە پیرۆزیەکانی ئایینی ئیسلام دەکات"، رایگهیاند، "دوای ئەوەی هاوڵاتییەک کە خۆی وەک نوێنەری ئایینی زەردەشتیەکان له کوردستان ناساندوە بەناوی (ئاوات حسامەددین) لە چاوپێکەوتنێکیدا قسەو وشەی نەشیاو بەرامبەر پیرۆزیەکانی ئایینی ئیسلام بەکاردههێنێت ئەوەش بە سوکایەتی هەژمار دەکرێت و پێچەوانەی یاساو ڕێنماییە بەرکارەکانە لە هەرێمی کوردستان و بەوەش نیگەرانی گەورەی دروستکردوە لەناو هاوڵاتیانی هەرێمی کوردستان کە زۆرینەیان موسڵمانن".
ئاماژهی بهوهشكردوه، ئهوان "دژی ئەو جۆرە لێدوانانەن کە سوکایەتی بە ئایینە جیاوازەکان دەکەن و شعوری هاوڵاتیان بریندار دەکەن و پشێوی بڵاودەکەنهوە ئەوەش بەشێکە لە وتاری ڕق و کینەو توند ڕەوی دروست دەکات و زۆرجاریش دەبێتە مایەی پەرچە کردارو وەڵام دانەوە، کە هیچی لەبەرژەوەندی ئەو پێکەوە ژیانە جوانەی هەرێمی کوردستان نیە کە هەموان شانازی پێوە دەکەین و هیچ کێشەیەک نیە لەنێوان ئایینەکان".
له راگهیهندراوهكهدا هاتوه، "وێڕای سهركۆنهکردنی ئەو قسەو لێدوانە بەرامبەر ئایینی پیرۆزی ئیسلام لە هەمانکاتدا سهركۆنهی هەر جۆرە پێشێلکاری و سوکایەتیەک دەکەین بکرێتە سەر هەر ئایین و ئایدیایەک و دەبێت دەزگا یاساییەکان و قەزائیەکان ڕوبەڕوی یاسایان بکەوە بۆ ئەوەی نەبێتە کلتورو ڕێگری بکرێ لە دوبارە بونەوەی".
ئهوهشخراوهتهڕو، "لە نزیکەوە چاودێری ئەو بابەتە دەکەین و لەسەر خەت دەبین لەگەڵ لایەنە پەیوەندیدارەکان لەهەمان کات داواکارین سەرۆکایەتی داواکاری گشتی هەرێم ئەو کەیسە بجوڵێنن و ڕێکاری یاسایی بگرنە بەر بەرامبەر ئەو کەسە".
دەستەی سەربەخۆی مافی مرۆڤ داوا لەدەزگا راگەیاندنەکان و کەناڵەکان دەکەن نەبنە بەشێک لەبڵاوکردنەوەی ئەو جۆرە پەیام و کردارانەی پێچەوانەی بنەماکانی مافی مرۆڤ و سوکایەتین بە ئایینەکان و چین و توێژەکان لەناو کۆمەڵگە چونکە ئەوانیش دواتر بەشێک دەبن لە بەرپرسیارێتی یاسایی.
ئاوات حسامەددین لهمیانی چاوپێكهوتنێكدا وتی، چهند جارێك قورئانی پیرۆزی خوێندوهتهوه بهڵام "قهناعهتی پێنهكردوم" و نهیتوانیوه لێی تێبگات، ئهو قسانهی نیگهرانی و ناڕهزایی لێكهوتوهتهوه.
كلمات مفتاحية
اخبار ذات صلة
تعليقات
دوایین هەواڵەکان
سکاڵاکانی عێراق، ئینتەرپوڵ پاڵدەنێت بۆ بەدواداچوونی سەرکردەکانی گروپە جوداخوازەکانی ئێران لە ئاستی نێودەوڵەتیدا
ئەمریکا و ئێران بە نێوەندگیری پاکستان، یاداشتێکی لێکتێگەیشتنی ١٤ خاڵییان بەمەبەستی کۆتاییهێنان بە جەنگ واژۆکرد
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
