سەرۆک کۆمار، دکتۆر لەتیف جەمال ڕەشید، ئەمڕۆ پێنجشەممە لە کۆشکی بەغدا، پێشوازیکرد لە ڕاوێژکاری ئاسایشی نیشتمانی، قاسم ئەعرەجی .

لەدیدارەکەدا تاوتوێی پێشهاتە سیاسی و ئەمنییەکانی وڵات وپێویستی چڕکردنەوەی هەوڵەکان بۆ بەهێزکردنی ئاسایش لە ناوچە سنوورییەکاندا کرا،  لەگەڵ چارەسەرکردنی دۆسێی گەڕانەوەی ئاوارەکان بۆ ناوچەکانیان، بەتایبەتی ئەوانەی لە شاری شەنگال ئاوارە بوون.
هەروەها جەختیان لە پشتیوانیکردنی هەوڵەکانی حکومەت کردەوە بۆ جێبەجێکردنی کارنامەکەی و پێشکەشکردنی خزمەتگوزارییەکان و باشترکردنی ئاستی ژیانی هاونیشتمانیان.