سەرۆک کۆمار جەختدەکاتەوە لەو ڕۆڵە گرنگەی کە پزیشکان لە خزمەتکردنی کۆمەڵدا دەیگێڕن

18:19 2025-04-28 54257 عێراق 0

2025-04-28

54257

سەرۆک کۆمار د.لەتیف جەمال ڕەشید،ئەمڕۆ دووشەممە، جەختیکردەوە لەو ڕۆڵە گرنگەی کە پزیشکان لە خزمەتکردنی کۆمەڵدا دەیگێڕن.
سەرۆکایەتی کۆمار لەڕاگەیەندراوێکدا کەدەستی موتەڵع کەوتووە،بڵاویکردەوە"سەرۆک کۆمار د.لەتیف جەمال ڕەشید، پێشوازیکرد لە وەفدێکی سەندیکای پزیشکانی عێراق بە سەرۆکایەتی دکتۆر حەسەنێن سەفا شەبر سەرۆکی سەندیکای پزیشکان.
وتیشی لە کۆبوونەوەکەدا کە ئەمڕۆ دووشەممە 28-4-2025 لە کۆشکی بەغداد بەڕێوەچوو ، باس لە دۆخی کەرتی تەندروستی وڵات و چۆنیەتی پشتیوانی و پەرەپێدانی کرا بۆ ئەوەی کاریگەری ئەرێنی لەسەر ئەو خزمەتگوزارییانە دروست بکات کە پێشکەش بە هاووڵاتیان بکرێت.
هەر لە کۆبوونەوەکەدا باس لە ئاستەنگەکانی بەردەم کارمەندانی پزیشکی و ئەو هەوڵانە کرا کە بۆ پەرەپێدانی کارایی و باشترکردنی ژینگەی کارکردن دەنرێت بۆیان.
سەرۆک کۆمار جەختیکردەوە لەو ڕۆڵە گرنگەی کە پزیشکان لە خزمەتکردنی کۆمەڵدا دەیگێڕن، دوپاتیشی کردەوە لەسەر پێویستی پێشکەشکردنی پشتیوانی تەواو تا بتوانن ئەرکە مرۆیی و پیشەییەکانیان بە تەواوی ئەنجام بدەن.
سەرۆک کۆمار پیرۆزبایی لە هەڵبژاردنی دکتۆر حەسەنێن سەفا شەبر کرد وەک یاریدەدەری سکرتێری گشتی یەکێتی پزیشکانی عەرەبی و سەرۆکی لیژنەی یاسایی، هەروەها هەڵبژاردنی دکتۆر ئەکرەم خەزرەجی وەک ئەندامی لیژنەکانی فریاگوزاری و کۆمەڵە پزیشکە عەرەبییەکان، ئاماژەی بەوەشدا کە ئەمە توانای لێهاتوویی عێراق پشتڕاست دەکاتەوە بۆ نیشاندانی کاریگەری خۆیان لە مەکۆی عەرەبی و نێودەوڵەتیدا.
لای خۆیەوە دکتۆر حەسەنێن سەفا شەبر سوپاس و پێزانینی خۆی بۆ سەرۆک کۆمار دەربڕی بۆ بەردەوامی پاڵپشتیکردنی بۆ کەرتی پزیشکی، جەختی لەسەر پابەندبوونی سەندیکا کردەوە بۆ هاریکاریکردنی هەموو لایەنە پەیوەندیدارەکان بۆ پێشخستنی کەرتی تەندروستی لە عێراق.