کۆسرەت ڕەسول: ساڵیادی ئازادكردنی كه‌ركوك و سه‌ری ساڵی نوێی كوردی له‌هه‌مو لایه‌ك پیرۆز ده‌كه‌م
كۆسره‌ت ره‌سول عه‌لی له‌په‌یامێكدا له ساڵیادی ئازادكردنی كه‌ركوك و نه‌ورۆز رایده‌گه‌یه‌نێت، 34 ساڵ له‌مه‌وبه‌ر له قۆڵی هه‌ولێره‌وه و ژماره‌یه‌ك له هه‌ڤاڵانمان له قۆڵی سلێمانییه‌وه به‌ره‌و كه‌ركوك به‌ڕێكه‌وتین و كه‌ركوكمان له‌رژێمی به‌عس پاككرده‌وه و بۆ هه‌مو جیهانمان سه‌لمانده‌وه كه كه‌ركوك كوردستانیه و ده‌شڵێت، "هیچ دوژمن و داگیركه‌رێك نه‌یتوانیوه و ناتوانێت كه‌ركوك له‌كوردستان داببڕێت".
كۆسره‌ت ره‌سول عه‌لی له‌په‌یامێكدا بڵاویكرده‌وه، "ساڵیادی ئازادكردنی شاری كه‌ركوك و هاتنه‌وه‌ی سه‌ری ساڵی تازه‌ی كوردی له ته‌واوی كوردستانیان به‌گشتی و خه‌ڵكی تێكۆشه‌رو قاره‌مانی كه‌ركوك پیرۆز ده‌كه‌م و درود و سڵاو ده‌نێرم بۆ گیانی پاكی شه‌هیدان و تێكۆشه‌رانی گه‌له‌كه‌مان".
ئاماژه‌ی به‌وه‌شكردوه، "34 ساڵ له‌مه‌وبه‌ر، ئه‌وكاته‌ی هێزه كوردستانییه‌كان و رێكخستنه نهێنییه‌كان و شانه چه‌كداره‌كان به‌پشتیوانی و پاڵپشتی ته‌واوی خه‌ڵكی كوردستان له‌دژی رژێمی به‌عس راپه‌ڕین و سه‌رجه‌م و شارو شارۆچكه‌كانی كوردستان ئازادكرا، به پلان و به‌رنامه‌یه‌كی تۆكمه‌وه پلانی ئازادكردنی كه‌ركوكمان داڕشت، ئێمه له قۆڵی هه‌ولێره‌وه و ژماره‌یه‌ك له هه‌ڤاڵانمان له قۆڵی سلێمانییه‌وه به‌ره‌و كه‌ركوك به‌ڕێكه‌وتین و به به‌شداری خه‌ڵكی تێكۆشه‌رو كۆڵنه‌ده‌ری كه‌ركوك له یه‌كه‌م رۆژی نه‌ورۆزی ساڵی 1991 به خوێنی شه‌هیدی سه‌ركرده شه‌هید عه‌بدولڕه‌زاق و پۆلێك شه‌هیدی دیكه‌ی قاره‌مان شاری كه‌ركوكمان له‌رژێمی به‌عس پاككرده‌وه و بۆ هه‌مو جیهانمان سه‌لمانده‌وه كه كه‌ركوك كوردستانیه و له‌گه‌ڵ سه‌رجه‌م شار و شارۆچكه‌كانی دیكه‌ی كوردستان دژی به‌عس راپه‌ڕی و به‌رگی ئازادی پۆشی".
كۆسره‌ت ره‌سوڵ عه‌لی ده‌شڵێت، "له‌دوای 34 ساڵ، به‌هه‌مان رۆحیه‌تی جارانه‌وه، به ده‌نگێكی دلێری كوردانه‌وه ده‌ڵێین به‌ڵێ كه‌ركوك كوردستانیه و سه‌ری كوردستانه، شاری پێكه‌وه‌ژیانی نێوان نه‌ته‌وه و پێكهاته‌و ئایینه جیاوازه‌كانه، هیچ دوژمن و داگیركه‌رێك نه‌یتوانیوه و ناتوانێت كه‌ركوك له‌كوردستان داببڕێت، بۆیه ئه‌ركه له‌سه‌ر سه‌رجه‌م هێزو لایه‌نه سیاسییه‌كان له ده‌ره‌وه‌ی حزبایه‌تی وه‌ك مه‌سه‌له‌یه‌كی نه‌ته‌وه‌یی له‌كه‌ركوك بڕوانن و خزمه‌تی بكه‌ن".
ئاماژه‌ی به‌وه‌شكردوه، "جارێكی تر ساڵیادی ئازادكردنی كه‌ركوك و سه‌ری ساڵی نوێی كوردی له‌هه‌مو لایه‌ك پیرۆز ده‌كه‌م و سه‌ری رێزو نه‌وازش بۆ سه‌رجه‌م شه‌هیدانی رێگای رزگاری كوردستان داده‌نوێنین".
كلمات مفتاحية
اخبار ذات صلة
تعليقات
دوایین هەواڵەکان
سکاڵاکانی عێراق، ئینتەرپوڵ پاڵدەنێت بۆ بەدواداچوونی سەرکردەکانی گروپە جوداخوازەکانی ئێران لە ئاستی نێودەوڵەتیدا
ئەمریکا و ئێران بە نێوەندگیری پاکستان، یاداشتێکی لێکتێگەیشتنی ١٤ خاڵییان بەمەبەستی کۆتاییهێنان بە جەنگ واژۆکرد
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
تره‌مپ: ره‌نگه ماوه‌ی ئاگربه‌ست له‌گه‌ڵ ئێران درێژ نه‌كه‌مه‌وه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكه‌رانی ئه‌و هێرشه‌ی نزیك هه‌ولێر ده‌ستگیركراون كه ئه‌فسه‌ره فه‌ره‌نسییه‌كه‌ی تیادا كوژرا
عێراق: له رۆژی هه‌ینییه‌وه ده‌ست به گه‌شته ئاسمانییه‌كانی نێوخۆ و ده‌ره‌وه ده‌كرێته‌وه
په‌رله‌مانی عێراق ئه‌ندامانی لیژنه‌ی دارایی په‌سه‌ندكرد؛ پێنج ئه‌ندامیان كوردن
تره‌مپ: لوبنان به‌شێك نییه له رێككه‌وتنی ئاگربه‌ست له‌گه‌ڵ ئێران
حکومەتی عێراق بەتوندی ئیدانه‌ی هێرشەکانی ئه‌مڕۆی ئیسرائیل بۆ سەر لوبنان دەکات
سوپای پاسداران: هێرشه‌كانی سه‌ر لوبنان رانه‌گیرێن، وه‌ڵامی توندمان ده‌بێت
پزیشكیان: ئاگربه‌ست له لوبنان مه‌رجێكی سه‌ره‌كی پێشنیاره 10 خاڵییه‌كه‌ی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
