نێچیرڤان بارزانی: ئاشتی و ئاشتیخوازى بۆ کورد و گه‌لى كوردستان گەورەترین هێز و باشترین ڕێبازە
نێچیرڤان بارزانی، سه‌رۆكی هه‌رێمی كوردستان ڕایگه‌یاند، ئاشتی و ئاشتیخوازى بۆ کورد و گه‌لى كوردستان گەورەترین هێز و باشترین ڕێبازە، "بۆیه داوا لە کورد و كوردستانییان دەکەم، باوەڕ و ڕێبازی ئاشتیخوازانەیان بەهێزتر بکەن، داواکانی گه‌لى كوردستان زۆر ڕەوان، ئاشتی زەمینەیەکی زۆر له‌بار بۆ ڕونبونەوەی داواکانى دەڕەخسێنێت"، ده‌شڵێت، "ئێستا تەوژمێک بۆ دروستبونی ئاشتی له سیاسەتی جیهاندا هه‌یه، لە بەرژەوەندیی گه‌لى كوردستاندایه".
نێچیرڤان بارزانی ئه‌مڕۆ پێنجشه‌ممه له په‌یامێكدا به‌بۆنه‌ی سه‌رى ساڵى نوێى كوردى، ڕایگه‌یاندوه، "جه‌ژنى نه‌ورۆز له كاتێكدا دێته‌وه كه ناوچه‌كه و جیهانیش له دۆخێكى هه‌ستیاردان، تێپه‌ڕاندنی سه‌ركه‌وتوانه‌ى ئه‌و ئاڵنگارییانه‌ی ڕوبه‌ڕومان ده‌بنه‌وه، پێویستی به كاری هاوبه‌ش و گفتوگۆى بنیاتنه‌رى لایه‌نه سیاسییه‌كان و پێكهاته‌كانه له ناوخۆی هه‌رێمى كوردستان و له‌گه‌ڵ به‌غدا، بۆ دڵنیابون له سه‌قامگیری و به‌هێزكردنی دیموكراسی و دادپه‌روه‌ری و مافه‌كانی مرۆڤ".
ئاماژه‌ی به‌وه‌شكردوه، "ئاشتی و ئاشتیخوازى بۆ کورد و گه‌لى كوردستان گەورەترین هێز و باشترین ڕێبازە، بۆیه داوا لە کورد و كوردستانییان دەکەم، باوەڕ و ڕێبازی ئاشتیخوازانەیان بەهێزتر بکەن، داواکانی گه‌لى كوردستان زۆر ڕەوان، ئاشتی زەمینەیەکی زۆر له‌بار بۆ ڕونبونەوەی داواکانى دەڕەخسێنێت، ئاشتیخوازی، پرسی کورد لە جیهاندا زیاتر دەباتە پێشەوە".
نێچیرڤان بارزانی ده‌ڵێت، "ئێستا تەوژمێک بۆ دروستبونی ئاشتی له سیاسەتی جیهاندا هه‌یه، لە بەرژەوەندیی گه‌لى كوردستاندایه وه‌ك گه‌لێكى ئاشتیخواز لەگەڵ ئەو تەوژمەدا بێت".
ئه‌وه‌شی خستوه‌ته‌ڕو، "ئێمه له هه‌رێمی كوردستان باوه‌ڕمان به كولتور و به‌هاكانى پێكه‌وه‌ژیانی ئاشتییانه و لێبورده‌یی و یه‌كترقبوڵكردن هه‌یه، هه‌رێمی كوردستان وه‌ك هه‌میشه به فاكته‌ری ئارامى و سه‌قامگیری له ناوچه‌كه‌دا ده‌مێنێته‌وه و ده‌ستی دۆستایه‌تی و هاوكاری بۆ هه‌مو پێكهاته‌كانی عێراق و وڵاتانی ناوچه‌كه و جیهان درێژ ده‌كات، له‌پێناو داهاتوویه‌كدا كه تیایدا ئاشتی و سه‌قامگیری و گه‌شه‌سه‌ندن بۆ هه‌موان باڵاده‌ست بێت و ژیان و شكۆ و مافه‌كانى هه‌موان پارێزراو بن".
نێچیرڤان بارزانی ڕونیكردوه‌ته‌وه، "له په‌یوه‌ندیمان له‌گه‌ڵ حكومه‌تی فیدراڵی عێراقدا، جارێكی دیكه پابه‌ندیی خۆمان به ده‌ستور وه‌ك بنه‌مایه‌ك بۆ چاره‌سه‌ركردنی هه‌مو ناكۆكییه‌كان به گفتوگۆ و لێكگه‌ییشتنی هاوبه‌ش دوپاتده‌كه‌ینه‌وه، سه‌قامگیری و گه‌شانه‌وه و پێشكه‌وتنى عێراق، به ڕێزگرتن له مافه ده‌ستورییه‌كانی هه‌مو پێكهاته‌كانی و به جێبه‌جێكردنی ڕاسته‌قینه‌ى سیستمى فیدراڵییه‌وه به‌نده".
هه‌روه‌ها باسی له‌وه‌كردوه، "له نزیكه‌وه ئاگاداری سه‌ختییه‌كان و دۆخى ژیان و گوزه‌رانى هاووڵاتییانى كوردستانین، دوپاتی ده‌كه‌ینه‌وه كه باشتركردنی بارودۆخی ژیانیان كارى له‌پێشینه‌ی سه‌ره‌كیی هه‌مو دامه‌زراوه‌كانی هه‌رێمى كوردستانه، له‌گه‌ڵ هاتنی نه‌ورۆزدا، هیواكان نوێ ده‌كه‌ینه‌وه كه ئه‌م سه‌ختییانه تێده‌په‌ڕن، كۆڵ ناده‌ین و به هیوا و ئومێده‌وه پێكه‌وه به‌ره‌و داهاتویه‌كى باشتر هه‌نگاو ده‌نێنین".
كلمات مفتاحية
اخبار ذات صلة
تعليقات
دوایین هەواڵەکان
سکاڵاکانی عێراق، ئینتەرپوڵ پاڵدەنێت بۆ بەدواداچوونی سەرکردەکانی گروپە جوداخوازەکانی ئێران لە ئاستی نێودەوڵەتیدا
ئەمریکا و ئێران بە نێوەندگیری پاکستان، یاداشتێکی لێکتێگەیشتنی ١٤ خاڵییان بەمەبەستی کۆتاییهێنان بە جەنگ واژۆکرد
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
تره‌مپ: ره‌نگه ماوه‌ی ئاگربه‌ست له‌گه‌ڵ ئێران درێژ نه‌كه‌مه‌وه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكه‌رانی ئه‌و هێرشه‌ی نزیك هه‌ولێر ده‌ستگیركراون كه ئه‌فسه‌ره فه‌ره‌نسییه‌كه‌ی تیادا كوژرا
عێراق: له رۆژی هه‌ینییه‌وه ده‌ست به گه‌شته ئاسمانییه‌كانی نێوخۆ و ده‌ره‌وه ده‌كرێته‌وه
په‌رله‌مانی عێراق ئه‌ندامانی لیژنه‌ی دارایی په‌سه‌ندكرد؛ پێنج ئه‌ندامیان كوردن
تره‌مپ: لوبنان به‌شێك نییه له رێككه‌وتنی ئاگربه‌ست له‌گه‌ڵ ئێران
حکومەتی عێراق بەتوندی ئیدانه‌ی هێرشەکانی ئه‌مڕۆی ئیسرائیل بۆ سەر لوبنان دەکات
سوپای پاسداران: هێرشه‌كانی سه‌ر لوبنان رانه‌گیرێن، وه‌ڵامی توندمان ده‌بێت
پزیشكیان: ئاگربه‌ست له لوبنان مه‌رجێكی سه‌ره‌كی پێشنیاره 10 خاڵییه‌كه‌ی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
