کۆمسیۆن ئامادەکارییەکان چڕتر دەکاتەوە و ڕێنوێنی لابردنی پڕۆپاگەندەی هەڵبژاردن لە نزیك بنكەكانی دەنگدان دەدات

18:01 2025-11-07 25859 عێراق 0

2025-11-07

25859

ئەمڕۆ هەینی،كۆمسیۆنی باڵای سەربەخۆی هەڵبژاردنەكان، بڕیاریدا پڕۆپاگەندەی هەڵبژاردن لە نزیك بنكەكانی دەنگدان لاببرێت؛ بۆ سەرخستنی هەڵبژاردنی گشتی پەرلەمانی.
كۆمسیۆن بەپێی بەیاننامەیەك، كەدەستی موتەڵع کەوتووە، دەڵێت: دادوەر عامر موسا حسێنی سەرۆكی بازنەی هەڵبژاردن، سەرۆكایەتی كۆبوونەوەیەكی گرنگی بەڕێوەبەرانی نوسینگەكانی هەڵبژاردنی پارێزگاكانی كرد، بە ئامادەبوونی موهەند فازل عەباس یاریدەدەری سەرۆكی بازنەی هەڵبژاردن بۆ كاروباری هونەری و بەڕێوەبەرانی فەرمانگەكانی نوسینگەی نیشتمانی لە ڕێگەی بازنەی ئەلیكترۆنییەوە؛ بۆ تاوتوێكردنی دوایین ئامادەكارییەكان بۆ ئەنجامدانی هەڵبژاردنی پەرلەمانی لە 11ی تشرینی دووەمی ئەمساڵ، ئەمڕۆ هەینی دەكاتە 7/11/2025.
ئاماژە بەوەشكراوە: لە كۆبوونەوەكەدا، باس لە دوایین كارەكانی هونەری و لۆجستی كۆمسیۆن و ڕێكارەكانی ڕۆژانی دەنگدانی تایبەت و گشتی و شێوازی دابینكردنی كەرەستە هەستیار و نا هەستیارەكان كرا.
رونیششیكردەوە: حسێنی ڕێنمایی دا كە سەرجەم پێداویستییەكانی بنكەكانی دەنگدان لە ئامێرەكانی وێستگەكان و ئامێرەكانی هەڵبژاردن تەواو بكرێن و هەماهەنگی لەگەڵ لیژنەی ئەمنی هەڵبژاردنەكان بكرێت بۆ لابردنی پڕۆپاگەندەی هەڵبژاردن لە نزیك بنكەكانی دەنگدان بۆ سەرخستنی هەڵبژاردنی گشتی پەرلەمانی.
لە كۆتایی بەیاننامەكەدا هاتووە: حسێنی بەردەوامە لە كۆبوونەوە چڕەكانی لەگەڵ كارمەندانی باڵای كۆمسیۆن و كارمەندە هونەری و لۆجستییەكان بۆ پێگەیاندنی پڕۆسەیەكی هەڵبژاردن.