ئه‌مڕۆ دوشه‌ممه‌ ،لەمیان خولی دووه‌می دانوستانی ڕاسته‌وخۆی نێوان ڕوسیا و ئۆكرانیا کە له‌ ئیستانبوڵ به‌ئاماده‌بونی هاكان فیدان وه‌زیری ده‌ره‌وه‌ی توركیا بەرێوەچوو ، هه‌ردولا رێكه‌وتن له‌سه‌ر ئاڵوگۆڕی سەرجەم دیله‌كان.
 

‏
 

‏له‌م خوله‌دا هه‌ردولا دو نوسراویان ئاڵوگۆڕ كرد كه‌ دیدگاكانیان بۆ مه‌رج و پره‌نسیپه‌كان به‌مه‌به‌ستی یه‌كلاكردنه‌وه‌ی ئاشتیانه‌ی ململانێی نێوان ئۆكرانیا و روسیا خرابونه‌ڕو.
 

‏
 

‏
 

‏له‌ كاتی دانوستانه‌كاندا زۆر پرس چاره‌سه‌ر كران.
 

‏- ڕوسیا و ئۆكرانیا له‌سه‌ر گه‌وره‌ترین ئاڵوگۆڕی زیندانییه‌كان ڕێككه‌وتون.
 

‏- كه‌سانی نه‌خۆش و برینداری سه‌خت له‌سه‌ر بنه‌مای "بۆ هه‌موان" ئاڵوگۆڕ ده‌كرێن.
 

‏- ڕوسیا و كیێڤ ڕێككه‌وتن له‌سه‌ر ئاڵوگۆڕی چه‌كدارانی خوار ته‌مه‌نی 25 ساڵ.
 

‏-  ڕوسیا پێشنیاری "ئاگربه‌ست"ی بۆ ئۆكرانیا له‌ هه‌ندێك ناوچه‌ی به‌ره‌ی ئه‌و وڵاته‌ بۆ ماوه‌ی دو بۆ سێ ڕۆژ كردوه‌.
 

‏- ڕوسیا له‌گه‌ڵ ئۆكرانیا ڕێككه‌وتوه‌ له‌سه‌ر ئاگربه‌ست له‌ هه‌ندێك ناوچه‌ی هێڵی پێشه‌وه‌ بۆ ئه‌وه‌ی فه‌رمانده‌كان بتوانن ته‌رمی سه‌ربازه‌ كه‌وتوه‌كان وه‌ربگرنه‌وه‌.
 

‏- كیێڤ پرسی ڕفاندنی منداڵانی كردوه‌ به‌ "نمایشێك بۆ ئه‌وروپییه‌كان".
 

‏- ڕوسیا له‌ ئۆكرانیا لیستێكی 339 منداڵی پێگه‌یشت كه‌ به‌هۆی ململانێكانه‌وه‌ خۆیان له‌ دۆخێكی سه‌ختدا بینیه‌وه‌.
 

‏- یه‌ك منداڵ نییه‌ له‌لایه‌ن ڕوسیاوه‌ ڕفێندرابێت، ته‌نها ئه‌وانه‌ن كه‌ له‌لایه‌ن سه‌ربازانی ڕوسیا ڕزگاركراون.
 

‏- به‌شی دوه‌می یاداشتنامه‌ی ڕوسیا سه‌باره‌ت به‌ هه‌نگاوه‌كان به‌ره‌و ئاگربه‌ستی ته‌واوه‌تی چه‌ندین بژارده‌ و مه‌رجی تێدایه‌.
 

‏- دانوستانه‌كان له‌گه‌ڵ ئۆكرانیا به‌ زمانی ڕوسی ئه‌نجامدرا.
 

‏- ڕوسیا كار له‌سه‌ر یه‌كخستنه‌وه‌ی ئه‌و خێزانانه‌ ده‌كات كه‌ به‌هۆی ململانێی ئۆكرانیا جیابونه‌ته‌وه‌.
 

‏
 

‏
 

‏ده‌رئه‌نجامی دانوستانه‌كان به‌پێی وته‌ی ڕوسته‌م ئه‌میرۆڤ وه‌زیری به‌رگری ئۆكرانیا: 
 

‏- له‌ كاتی دانوستانه‌كانی ئیستانبوڵ هیچ ڕێككه‌وتنێكی ئاگربه‌ست و كۆبونه‌وه‌ی سه‌ركرده‌كان نه‌كرا.
 

‏- ڕوسیا و ئۆكرانیا ڕێككه‌وتن له‌سه‌ر ئاڵوگۆڕی سه‌رجه‌م زیندانی نه‌خۆش و سه‌ربازانی خوار 25 ساڵ.
 

‏- شاندی ئۆكرانیا پێشنیاریان بۆ نوێنه‌رانی ڕوسیا كرد كه‌ له‌ كۆتایی مانگی (حوزه‌یران/6)كۆبونه‌وه‌یه‌كی دیكه‌ ئه‌نجام بده‌ن.
 

‏- ڕوسیا و ئۆكرانیا ڕێككه‌وتن له‌سه‌ر ئاڵوگۆڕی ته‌رمی مردوه‌كان به‌پێی پرۆژه‌ی "شه‌ش هه‌زار به‌ شه‌ش هه‌زار".
 

‏- كیێڤ له‌ ماوه‌ی هه‌فته‌یه‌كدا لێكۆڵینه‌وه‌ له‌و یاداشته‌ لێكتێگه‌یشتنه‌ ده‌كات كه‌ شاندی ڕوسیا له‌ ئیستانبوڵ پێشكه‌شی كردوه‌.
 

‏- دوای لێكۆڵینه‌وه‌ له‌و یاداشتنامه‌ی لێكتێگه‌یشتنه‌ی كه‌ شاندی ڕوسیا پێشكه‌شی كرد، ده‌توانین هه‌نگاوه‌كانی داهاتو هه‌ماهه‌نگی بكه‌ین.