ڕاگەیاندنی هاوپەیمانی ئاوەدانکردنەوە و گەشەپێدان بۆ بەشداریکردن لەهەڵبژاردنی داهاتوی پەرلەمانی عێراقدا

21:08 2025-05-20 95918 عێراق 0

2025-05-20

95918

محەمەد شیاع سودانی، سەرۆکوەزیرانی عێراق ئەو هاوپەیمانییە سیاسییەی ئاشکرا کرد کە لە هەڵبژاردنی داهاتوی پەرلەمانی عێراقدا بەشداریی دەکات. كە هاوپەیمانییەکە ناوی إئتلاف الإعمار و التنمیه‌ (هاوپەیمانی ئاوەدانکردنەوە و گەشەپێدان)ـە و ژمارەیەك لە سەركردەی شیعەكان و سونەكان لە خۆدەگرێت لەوانە ئەیاد عەلاوی، سەرۆکی هاوپەیمانی نیشتمانی و فالح فەیاز، سەرۆك دەستەی حەشدی شەعبی، وەزیری کار و پارێزگاری کەربەلا و ژمارەیەك حزب و هاوپەیمانی دیكە.

هاوپەیمانی الإعمار و التنمیه‌ كە سودانی سەرۆكایەتی دەكات ئەمڕۆ سێشەممە لە ڕاگەیەندراوێكدا بڵاویكردەوە، بە ڕەچاوکردنی ئەو بەڵێنەی کە بە گەلیان دابو، بۆ کارکردن، خزمەتکردن، پاراستنی خاك، سەروەری دامەزراوەکانی دەوڵەت و دابینکردنی ئامرازەکانی گەشەپێدانی بەردەوام، لەگەڵ ژمارەیەك لە هێز و بزوتنەوە نیشتمانییەکانی عێراق، هاوپەیمانی ئاوەدانکردنەوە و گەشەپێدان بۆ بەشداریکردن لە هەڵبژاردنی پەرلەمانی عێراق ڕادەگەیەنین.
ئاماژەی بەوەشكرد، هاوپەیمانەیەكە لە هێزە سیاسی و نیشتمانیانەكانی وەك رەوتی فوراتەین، ئیئتیلافی نیشتمانی، هاوپەیمانی گرێبەستی نیشتمانی، هاوپەیمانی داهێنەرانی کەربەلا، گردبونەوەی وڵاتی سۆمەر، گردبونەوەی نەوەکان، هاوپەیمانی چارەسەری نیشتمانی پێكدێت.

بەگوێرەی ڕاگەیەندراوەكە، ئەوان هەمیشە بەرژەوەندییەکانی عێراق و عێراقییەکانیان لە پێش هەمو شتێکەوە داناوە، هەروەها ئاوەدانکردنەوەی بەردەوام، بەهێزکردنی ئابوری، تەواوکردنی ژێرخان و پڕۆژە ستراتیژییەکان، ئاسایش و سەقامگیریی و پتەوکردنی پەیوەندییەکانمان لەگەڵ ژینگەی ناوچەیی و عەرەبی و نێودەوڵەتیدا ئامانجیانە.
ئەوەشی خستەڕو، ئەوان لەسەر ئەو هەنگاوە گەورانەی لە ماوەی دو ساڵی ڕابردودا ناویانە و لە ژێر ڕۆشنایی ئەو خزمەتگوزاریی، گەشەپێدان،ڕەخساندنی دەرفەتانەی کە کاری حکومەت شایەتحاڵین كاردەكەن.