چالاکوانێکی سیاسی دەقی بەشێک لە کۆبوونەوەی مەسعود بارزانی و چوارچێوەی هەماهەنگی ئاشکرا کرد

15:15 2024-07-04 112421 عێراق 0

2024-07-04

112421

ياسر ئەلجبوری، بلۆگەر و چالاکوانی سیاسی نێوبانگی عێراق ئەمڕۆ پێنجشەممە ناوەڕۆکی کۆبوونەوەی مەسعود بارزانی، سەرۆکی پارتی دیموکراتی کوردستان لەگەڵ سەرکردەکانی چوارچێوەی هەماهەنگی عێراق بڵاوکردەوە کە دوێنێ چوارشەممە لە بەغدای پایتەختی عێراق بەڕێوەچوو.
یاسر ئەلجبوری لە تۆڕی کۆمەڵایەتی ئێکس نوسیویەتی، لە کۆبوونەوەی دوێنێ سەرکردەکانی چوارچێوەی هەماهەنگی لەگەڵ مەسعود بارزانی و شاندی یاوەری،

ڕێبەر ئەحمەد وەزیری ناوخۆی هەرێمی کوردستان لە کۆبوونەوەکەدا گوتوویەتی: "هەندێک پرسی هەڵپسراو هەیە وەک ناوچەکانی سەر بە هەرێمی کوردستان لە پارێزگای نەینەوا"،
قەیس خەزعەلی، ئەمینداری عەسائیبی ئەهلی حەق لە وەڵامدا گووتی: "نەینەوا بە تەواوەتی خاکی عێراقە و سەر بە حکومەتی ناوەندیە"،
مەسعود بارزانی وەڵامی ڕێبەر ئەحمەدی داوە و داوی لێکرد بێدەنگ بێت،
دوایی قەیس خەزعەلی گوتوویەتی: “با وانەکەین کە ڕەیان کلدانی-ش بچێتە کەرکووک”.

شایەنی باسە، مەسعود بارزانی لەگەڵ شاندێکی پارتی دیموکراتی کوردستان دوو ڕۆژە لە بەغدای پایتەختی عێراقە و لەگەڵ مەحەممەد شەیاع سودانی، سەرۆک وەزیرانی عێراق، هەروەها فایەق زێدان، سەرۆکی ئەنجوومەنی باڵای دادوەری عێراق و سەرکردەکانی هاوپەیمانی بەڕێوبردنی دەوڵەت و سەرکردایەتی چوارچێوەی هەماهەنگی کۆببوە، هەروەها لەکەڵ باڵوێزخانەی وڵاتان، ئەمەش دوای شەش ساڵ لە کۆتاییی سەردانی بۆ بەغداد.