پێشبینی كەش و هەوای عێراق بۆ ڕۆژانی جەژنی قوربان راگەیەندرا

13:15 2025-06-05 96993 عێراق 0

2025-06-05

96993

دەستەی كەشناسی عێراق وردەكارییەكانی پێشبینییەكانی كەشوهەوای بۆ ڕۆژانی جەژنی قوربان ڕاگەیاند، هاوكات پێشبینی بەردەوامی بەرزبوونەوەی پلەكانی گەرما دەكات.
‏ئمڕۆ پێنجشەممە، لە بەیانامەیەكی دەستەكەدا هاتووە : سبەی هەینی، كەشوهەوا ساماڵ دەبێت لەگەڵ هەندێك هەور لە ناوچەكانی ناوەڕاست و باشوور، هەروەها لە ناوچەكانی باكوور ساماڵ دەبێت بۆ نیمچە هەور، بە گشتی پلەكانی گەرما كەمێك بەرز دەبنەوە.
‏ئاماژەی بەوەشكردووە بەرزترین پلەكانی گەرما بۆ سبەی هەینی بەم شێوەیەیە: بەغدا، دیالە، بابل، نەجەفئەلئەشرەف 41 پلە، سلێمانی 36، كەركوك و نەینەوا 39، كەربەلای موقەدەس و ئەنبار 40، بەسرە 43 پلە.
‏كەش و هەوای ڕۆژی شەممە ساماڵ دەبێت لەگەڵ هەندێك هەور لە ناوچەكانی ناوەڕاست و باشوور و لە ناوچەكانی باكووریش نیمچە هەور دەبێت،پلەكانی گەرما لە ناوچەكانی ناوەڕاست و باكوور هاوشێوە دەبن، لە ناوچەكانی باشووریش كەمێك بەرزتر دەبێت.
‏یەكشەممەی داهاتوو كەشوهەوا بەگشتی ساماڵ دەبێت و پلەكانی گەرما لە ناوچەكانی ناوەڕاست و باكوور هاوشێوە دەبن و لە ناوچەكانی باشووریش كەمێك بەرزتر دەبن و ڕوونیشیكردەوە : رۆژی دووشەممەی داهاتوو كەشوهەوای لە ناوچەكانی ناوەڕاست و باكوور نیمچە هەور بۆ هەور دەبێت، هەروەها لە ناوچەكانی باشوور ساماڵ دەبێت، لە شەودا هەور دەبێت و بای مامناوەندی باشووری ڕۆژهەڵات (20-30 كم/كاتژمێر) لە ناوچەكانی باشوور بەرز دەبێتەوە، دەگاتە 30-40 كم/كاتژمێر، ئەمەش دەبێتە هۆی بەرزبوونەوەی تۆز وخۆڵ و پلەكانی گەرما بە گشتی كەمێك بەرز دەبنەوە، لەگەڵ بینینی ئاسۆیی (6-8 كم) و لە ناوچە تۆز و خۆڵاوییەكان (2-3 كم/كاتژمێر.