وەزیری دەرەوە جەخت لەسەر پێویستی پەرەپێدانی پەیوەندییە ئابوورییەكان لەگەڵ تونس دەکاتەوە

15:53 2024-05-11 73429 عێراق 0

2024-05-11

73429

فوئاد حسێن جێگری سەرۆك وەزیران وەزیری دەرەوە جەختی لەسەر پێویستی پەرەپێدانی پەیوەندییە ئابوورییەكان لەگەڵ تونس كردەوە.
لەبەیاننامەیەكی وەزارەتەكەدا هاتووە : وەزیری دەرەوە پێشوازی لە وەزیری دەرەوە و كۆچبەرانی تونس بلخارج نەبیل عەمار كرد، كە بە مەبەستی بەشداریكردن لە كارەكانی دانیشتنی (17)ی لیژنەی هاوبەشی عێراق و تونس سەردانی عێراقی کردووە.
لە بەیاننامەیەكدا ئاماژە بەوەشكراوە : فوئاد حسێن لە سەرەتای كۆبوونەوەكەدا سوپاسی خۆی بۆ سەردانەكەی هاوتا تونسییەكەی دەربڕی و پێشوازی خۆی دەربڕی بۆ ئەوەی كارەكانی لیژنەكە دووبارە ئەنجامبدرێتەوە دوای ئەوەی دوایین كۆبوونەوەی ساڵی 2019 ئەنجامدرا.
وەزیری دەرەوە جەختی لەوە كردەوە كە ئەم لیژنەیە وێستگەیەكی زیادە پێكدەهێنێت بۆ بەهێزكردنی پەیوەندییەكانی برایەتی و پتەوكردنی پەیوەندییە هاوكارییەكانی ئێستای نێوان هەردوو وڵات، و بەرزكردنەوەیان بۆ ئاستی هاوبەشی كاریگەر، ئاماژەی بەوەشكرد گرنگی پەیوەندی نێوان هەردوو دوو وڵاتی برا.
جەختیشیكردەوە پێویستی پەرەپێدانی ئابووری لەڕێگەی گەشتیارییەوە بەهۆی ڕۆڵی لە پەرەپێدانی لایەنە ئابووری و كۆمەڵایەتییەكانی نێوان هەردوو وڵات.
لە درێژەی بەیاننامەكەدا هاتووە : لیژنە هاوبەشەكە بە سەرۆكایەتی هەردوو وەزیری دەرەوە بۆ ماوەی 10-12ی ئایار بەڕێوەدەچێت، لەم سەردانەدا كۆڕبەندی بازرگانانی عێراق و تونس دەكرێتەوە و ژمارەیەك یاداشتی لێكتێگەیشتن و ڕێككەوتن بەجۆرێك لە جۆرەكان دەخرێنەڕوو ، ئەمەش پەیوەندییەكانی نێوان هەردوو وڵاتی برا بەهێزتر دەكات.
لە بەیاننامەكەدا ڕوونیكردووەتەوە : وەزیری تونس شاندێكی گرنگی وەزارەتە جیاوازەكانی تونس و كەرتە فەرمییەكانی تونسی لەگەڵدایە، ئەمە جگە لەوەی ژمارەیەكی زۆر لە بازرگان و كاراكەرانی ئابوورییەكان.