وەزیری ئاودێری میسر: هاوكاری عەرەبی بۆ بەدیهێنانی گەشەسەندنی بەردەوام لە كەرتی ئاودا گرنگە

20:22 2025-05-24 75097 عێراق 0

2025-05-24

75097

ئەمڕۆ شەممە هانی سوەیلەم وەزیری ئاودێری و سەرچاوەكانی ئاوی میسر دووپاتی كردەوە كە ئامانجی كۆنفرانسی نێودەوڵەتی بەغدا پاڵپشتی هەوڵەكانی وڵاتانی عەرەبیە بۆ چارەسەركردنی كەمی ئاو، هاوكات تیشكی خستە سەر گرنگی هاوكاری عەرەبی بۆ بەدیهێنانی گەشەسەندنی بەردەوام لە كەرتی ئاودا.
سوەیلەم لە وتارێكدا لە پێنجەمین كۆنفرانسی نێودەوڵەتی ئاوی بەغدا، كە موتەڵع بەدواداچوونی بۆ کردووە وتی: ئامانجی كۆنفرانسەكە پاڵپشتیكردنی هەوڵە هاوبەشە عەرەبییەكانە لە كەرتی ئاو و بەكارهێنانی تەكنەلۆژیای سەردەمیانە بۆ چارەسەركردنی كەمی ئاو، بەمەش ئاسایشی ئاو و ژینگەی ناوچەكە بەرز دەبێتەوە.
ئاماژەی بەوەشكرد : توێژینەوەكان دەریانخستووە زیاتر لە 60%ی ئاوی بەردەست لە دەرەوەی هەرێمی عەرەبیەوە دێت، ئەمەش هەڕەشەی پەكخستنی گەشەپێدانی بەردەوام دەكات، ئەمەش پێویستی بە هاوكاری زیاتری عەرەب هەیە لەم بوارەدا.
ئاماژەی بەوەشكردووە : ڕووبەڕووبوونەوەی كێشەكانی گەشەپێدان پێویستی بە دۆزینەوەی چارەسەری بەدیل هەیە بۆ چارەسەركردنی ئاستەنگەكانی كەمی ئاو بەهۆی زیادبوونی ڕێژەی گەشەی دانیشتووان و كێشەكانی گۆڕانی كەشوهەوا.
وەزیری میسر لە وتارەكەیدا ڕەتكردنەوەی بەكارهێنانی ئاو وەك ئامرازێك بۆ گوشاری سیاس و دووپات كردەوە نیگەرانی خۆی لە هێرشەكانی زایۆنیستەكان بۆ سەر كەرتی غەززە دەربڕی كە بووەتە هۆی لەناوچوونی سیستمی دابینكردنی ئاو و مەترسی لەسەر ئاسایشی ئاو بۆ ملیۆنان فەلەستینی.