وەزارەتی بازرگانی دامەزراندنی شاری زێڕی جیهانی لە بەغداد راگەیاند ‏

11:56 2025-07-23 52383 ئابوری 0

2025-07-23

52383

ئەمڕۆ چوارشەممە، وەزارەتی بازرگان جەختیکردەوە ئەنجومەنی وەزاری بۆ ئابوری ڕەزامەندی لەسەر دامەزراندنی شاری زێڕی جیهانی لە بەغداد دا.
‏وەزارەتی بازرگانی لە بەیاننامەیەکدا بڵاویکردەوەگ: ئەنجومەنی وەزاری بۆ ئابووری ئەو پێشنیازەی پەسەند كرد كە وەزارەتی بازرگانی پێشكەشی كردووە بۆ دامەزراندنی شارێكی جیهانی زێڕ لە بەغداد، هەنگاوێكی ستراتیژییە بە ئامانجی خۆجێییكردنی پیشەسازی زێڕ و زێڕینگەریی لە ناوخۆی عێراق و بەرزكردنەوەی بەرهەمی ناوخۆیی، هاوتەریب لەگەڵ ئامانجەكانی بەرنامەی حكومەت بۆ پاڵپشتیكردنی گەشەپێدانی پیشەسازی و ڕەخساندنی هەلی كار.
‏ئاماژەی بەوەشكرد: پڕۆژەكە نوێنەرایەتی بازدانێكی چۆنایەتی دەكات لە گەشەپێدانی پیشەسازییە نیشتمانییەكان، و رونیشیكردەوە: شارەكە سیستەمێكی یەكگرتوو لەخۆدەگرێت كە یەكە پیشەسازییە تایبەتمەندەكان و سەنتەری ڕاهێنانی پێشكەوتووی ئاڵتونسازی بەپێی ستانداردە نێودەوڵەتییەكان لەخۆدەگرێت، هەروەها بازاڕە پێشكەوتووەكان و بۆرسەیەك بۆ زێڕ و زێڕینگەریی لەخۆدەگرێت.
‏لای خۆیەوە، بەڕێوەبەری گشتیی فەرمانگەی پەیوەندییە ئابوورییەكانی دەرەوە ڕیاز فاخر هاشمی رایگەیاند: ئامانجی پڕۆژەكە پاڵپشتی كەرتی تایبەت و فراوانكردنی بەشداریكردنیەتی لە ئابووریی نیشتمانیدا، و وتیشی: شارەكە لە چوارچێوەی شارە ئابورییە یەكگرتووەكە لە بەغدا دادەمەزرێت، ئەمەش بەشدارە لە گۆڕینی پایتەخت بۆ ناوەندێكی هەرێمی بۆ پیشەسازی زێڕ و بازرگانی.
‏لە درێژەی قسەكانیدا، رونیكردەوە: وەزارەتی بازرگانی دەستیكردووە بە هەماهەنگی لەگەڵ دەستەی نیشتمانی وەبەرهێنان بۆ تەواوكردنی مەرجەكانی تەرخانكردنی زەوی و دەركردنی مۆڵەتی وەبەرهێنان وەك ئامادەكارییەك بۆ جێبەجێكردنی پڕۆژەكە.