وڵاتانی جیهان سەرکۆنەی هێڕش کردنە سەر نەخۆشخانه‌ی مه‌عمه‌دانی له فه‌ڵه‌ستین دەکەن
ئێواره‌ی ئه‌مڕۆ، وه‌زاره‌تی ته‌ندروستی فه‌ڵه‌ستین بڵاویكرده‌وه، له ئه‌نجامی هێرشێكی فڕۆكه جه‌نگییه‌كانی سوپای ئیسرائیل بۆ سه‌ر نه‌خۆشخانه‌ی مه‌عمه‌دانی له فه‌ڵه‌ستین 500 كه‌س بوونه‌ته قوربانی.
وه‌زاره‌تی ته‌ندروستی فه‌ڵه‌ستین هێرشه‌كه‌ی سوپای ئیسرائیلی به كۆمه‌ڵكوژی و له‌ناوبردنی مرۆڤایه‌تی و پێشێلكردنی یاسای نێوده‌وڵه‌تی ناوبردووه.
هاوكات مه‌حموود عه‌باس، سه‌رۆكی ده‌سه‌ڵاتداری فه‌ڵه‌ستینی به‌هۆی ئه‌و كۆمه‌ڵكوژییه‌وه، ئوردنی به‌جێهێشتووه و گه‌ڕاوه‌ته‌وه شاری رامه‌ڵڵا له فه‌ڵه‌ستین، ده‌نگۆی ئه‌وه‌ش هه‌یه به‌شداری كۆبوونه‌وه‌یه‌كی چوارقۆڵی نه‌كات له ئوردن كه بڕیار بوو سبه‌ی چوارشه‌ممه له‌گه‌ڵ جۆ بایدن، سه‌رۆكی ئه‌مه‌ریكا و شاعه‌بدوڵڵای شای ئوردن و عه‌بدولفه‌تاح سیسی، سه‌رۆكی میسر له عه‌ممان ئه‌نجام بدرێت.
له‌لای خۆیه‌وه سه‌رۆكوه‌زیرانی كه‌نه‌دا سه‌ركۆنه‌ی هێرشه‌كه‌ی كرد و رایگه‌یاند، ئه‌وه‌ی رووده‌دا كاره‌ساتێكی نایاسایی و قبووڵنه‌كراوه.
هه‌روه‌ها ره‌جه‌ب ته‌یب ئه‌ردۆغان، سه‌رۆككۆماری توركیا رایده‌گه‌یه‌نێت، هێرشكردنه سه‌ر نه‌خۆشخانه‌ی مه‌عمه‌دان كه ئافره‌ت و منداڵ و هاووڵاتییانی دیكه‌ی لێ بووه، نوێترین نموونه‌ی هێرشه‌كانی ئیسرائیله كه به‌ده‌ره له هه‌موو به‌ها مرۆییه‌كان.
وه‌زاره‌تی ده‌ره‌وه‌ی ئوردن جه‌خت ده‌كاته‌وه، ئه‌وه‌ی له غه‌ززه روو ده‌دات به‌تایبه‌ت به‌رامبه‌ر به هاووڵاتییان، تاوانی مرۆڤایه‌تی و كۆمه‌ڵكوژییه و ئیسرائیل لێی به‌رپرسیاره. هه‌روه‌ها به پێویستی زانیوه په‌له بكرێت له راگرتنی هێرشه‌كانی ئیسرائیل بۆ سه‌ر هاووڵاتییانی مه‌ده‌نی. هاوكات داوای كردووه په‌له بكرێت له گه‌یاندنی پێداویستییه مرۆیی و ته‌ندروستییه‌كان بۆ كه‌رتی غه‌ززه.
له‌لایه‌كی دیكه‌وه وه‌زاره‌تی ده‌ره‌وه‌ی میسر هێرشه‌كه به تۆڵه‌سندنه‌وه له هاووڵاتییانی مه‌ده‌نی ناوده‌بات و به پێویستی ده‌زانێت كۆمه‌ڵگه‌ی نێوده‌وڵه‌تی هه‌نگاوی جددی بنێت بۆ راگرتنی یاساشكێنییه‌كانی ئیسرائیل دژ به هاووڵاتییانی فه‌ڵه‌ستینی.
له لایه‌كی دیكه‌وه وه‌زاره‌تی ده‌ره‌وه‌ی ئێران له راگه‌یاندراوێكدا داوا له نه‌ته‌وه یه‌كگرتووه‌كان و ئه‌نجوومه‌نی ئاسایشی نێوده‌وڵه‌تی ده‌كات به‌رپرسیاره‌تی خۆیان جێبه‌جێ بكه‌ن و لێكۆڵینه‌وه له‌و تاوانه مرۆییه بكه‌ن و به‌رپرسانی دادگایی بكه‌ن. ناسر كه‌نعانی، گوته‌بێژی وه‌زاره‌تی ده‌ره‌وه‌ی ئێران ده‌ڵێت، ئه‌وه‌ی روویداوه تاوانه و كارێكی دڕندانه‌یه و به‌ڵگه‌یه له‌سه‌ر ئه‌وه‌ی ئیسرائیل به‌هیچ شێوه‌یه‌ك له كاتی جه‌نگدا پابه‌ندی بنه‌ما نێوده‌وڵه‌تییه‌كان نابێت.
كۆمكاری وڵاتانی عه‌ره‌بی له راگه‌یه‌ندراوێكدا سه‌ركۆنه‌ی هێرشه‌كه ده‌كات و داوا له وڵاتانی رۆژئاوا ده‌كات ده‌ستبه‌جێ رێگه له‌و كاره‌ساتانه بگرن.
یه‌كێتی ئه‌وروپا له به‌یانێكدا ده‌ڵێت، هێرشكردنه سه‌ر ژێرخانه مه‌ده‌نییه‌كانی غه‌ززه، بابه‌تێكه له ده‌ره‌وه‌ی یاسای نێوده‌وڵه‌تی مامه‌ڵه‌ی له‌گه‌ڵدا ده‌كرێت.
به‌ڕێوه‌به‌ری رێكخراوی ته‌ندروستی جیهانیش سه‌ركۆنه‌ی هێرشه‌كه ده‌كات. حكومه‌تی قه‌ته‌ریش به هه‌مان شێوه دژایه‌تی خۆی بۆ هێرشه‌كه‌ی ئیسرائیل ده‌بڕی و رایده‌گه‌یه‌نێت سه‌ركۆنه‌ی ئه‌و كۆمه‌ڵكوژییه ده‌كات.
حكومه‌تی عومانیش رایده‌گه‌یه‌نێت، تائه‌وپه‌ڕ سه‌ركۆنه‌ی ئه‌و هێرشه نامرۆییانه ده‌كه‌ن و به پێویستی ده‌زانێت كۆمه‌ڵگه‌ی نێوده‌وڵه‌تی له به‌رامبه‌ریدا بێده‌نگ نه‌بێت.
وه‌زاره‌تی ته‌ندروستی فه‌ڵه‌ستین رایده‌گه‌یه‌نێت، زیاتر له 500 كه‌س له نه‌خۆشخانه‌كه گیانیان له‌ده‌ستداوه و سه‌دانی دیكه‌ش بریندار بوونه و هه‌ندێكی دیكه‌شیان تا ئێستا له‌ژێر داروپه‌ردوودان و رزگار نه‌كراون.
كلمات مفتاحية
اخبار ذات صلة
تعليقات
أحدث الاخبار
تمديد الفصل التشريعي وإقرار قانون الإجازة طويلة الأجل.. أبرز قرارات البرلمان اليوم
المفوضية تصحح اسم المرشح البديل لعضوية مجلس محافظة البصرة
إطلاق راتب المعين المتفرغ لأكثر من 384 ألف مستفيد
عراقجي: هرمز ما بعد الحرب غير ما قبلها.. ولا مكان للقوات الأجنبية
المباشرة بصرف رواتب الموظفين لشهر تشرين الأول الحالي
انخفاض جديد بأسعار الدولار في الأسواق العراقية
ملاحقة مسؤول سابق اختلس مليارات الدينار وسط شبهات فساد إداري
منخفض جوي وأمطار رعدية تضرب مناطق عدة بالعراق
قمة الحسم والهروب الكبير تختتم جولة دوري نجوم العراق اليوم
ترامب: قد نضطر إلى إنهاء المهمة في إيران أو التوصل إلى اتفاق
التربية: غداً دوام رسمي في المدارس
ائتلاف إدارة الدولة يدعو لحماية المتظاهرين ويشدد على إقرار الموازنة
توجه حكومي شامل لتثبيت مئات الآلاف وإطلاق آلاف الوظائف الجديدة
وول ستريت جورنال تكشف: ترامب يدرس ضرب المنشآت النووية في إيران
5 محافظات عراقية تعطل الدوام الرسمي غداً
تأييد نيابي لتثبيت المتعاقدين واستحداث 120 ألف درجة بموازنة 2027
تراجع أسعار الدولار في أسواق بغداد وأربيل
