وه‌زاره‌تی داد ئازادکردنی پێنج هه‌زار و 900 زیندانی بەفەرمانی لێبوردنی گشتی ڕاگه‌یاند ‏

23:10 2025-06-26 57181 عێراق 0

2025-06-26

57181

وه‌زاره‌تی دادی عێراق ئه‌مڕۆ پێنجشه‌ممه‌ ئازادكردنی پێنج هه‌زار و 900 زیندانی له‌ دوای ده‌رچونی یاسای لێبوردنی گشتی ڕاگه‌یاند، ئاماژەی بەوەکرد لیژنه‌یه‌كیش بۆ پێداچونه‌وه‌ به‌ تۆمار و دۆسیه‌كانی ئه‌و زیندانیانه‌ پێكده‌هێندرێت كه‌ یاسای لێبوردنی گشتی ده‌یانگرێته‌وه‌.
‏
‏موراد ساعدی به‌ڕێوه‌به‌ری ڕاگه‌یاندنی وه‌زاره‌تی داد له‌ لێدوانێكدا رایگه‌یاند، دوایین ئامار تا دوێنێ ئاماژه‌ به‌وه‌ ده‌كات كه‌ له‌ دوای ده‌رچونی یاسای لێبوردنی گشتیه‌وه‌، پێنج هه‌زار و 900 زیندانی ئازاد كراون.
‏
‏سه‌باره‌ت به‌و میكانیزمه‌ی كه‌ بۆ دیاریكردنی ئه‌و كه‌سانه‌ په‌سه‌ندكراوه‌ كه‌ یاسای لێبوردنی گشتی له‌ كاتی ده‌رچونیه‌وه‌ ده‌یگرێته‌وه‌، موراد ساعدی ڕونیكرده‌وه‌، "ئامانجی میكانیزمه‌كه‌ ئاسانكارییه‌ بۆ ڕێكاره‌كانی ئازادكردن و دوركه‌وتنه‌وه‌ له‌ ئاسته‌نگه‌كان، به‌و پێیه‌ی له‌ سه‌رانسه‌ری عێراق جێبه‌جێكراوه‌، له‌ ناوچه‌كانی باكوره‌وه‌ ده‌ستپێده‌كات و درێژده‌بێته‌وه‌ بۆ باشور".
‏
‏باسی له‌وه‌شكرد، "وه‌زاره‌تی داد ڕێوشوێنی گرتوه‌ته‌به‌ر بۆ كه‌مكردنه‌وه‌ی ڕێوشوێنی سور و خێراكردنی پرۆسه‌ی ئازادكردنی زیندانیكراوان، لیژنه‌یه‌كی تایبه‌تیش له‌ناو زیندانه‌كان پێكهێنراوه‌ بۆ پێداچونه‌وه‌ به‌ تۆمار و دۆسیه‌كانی ئه‌و زیندانیانه‌ی كه‌ یاسای لێبوردنی گشتی ده‌یانگرێته‌وه‌، بۆ ئه‌وه‌ی بتوانن به‌شێوه‌ی ناوه‌ند و ڕاسته‌وخۆ له‌ ناو زیندانه‌وه‌ ئازاد بكرێن، به‌بێ ئه‌وه‌ی پێویست بكات ڕه‌وانه‌ی به‌شی گشتی بكرێت".
‏
‏رونیشیكردۆته‌وه‌، "له‌سه‌ر ئه‌م ڕوداوه‌ به‌فه‌رمانی دادوه‌ری لێكۆڵینه‌وه‌ی ئاسایشی هه‌ولێر، سێ تۆمه‌تبارمان ده‌ستگیر كرد كه‌ ته‌قه‌یان كردبو به‌ناوه‌كانی (ع ، خ ، ع) و (ع ، ر ، خ) و (م ، م ، خ) ده‌ست به‌سه‌ر چه‌كه‌كانیشدا گیراوه‌".