ئەمڕۆ پێنجشەممە، وەزارەتی دەرەوە رێكەوتنێكی لەگەڵ ئەمریكا بۆ داڕشتنی خشتەی كاتی بۆ ئامادەبوونی راوێژكارانی هاوپەیمانی نێودەوڵەتی راگەیاند.
وەزارەتەكە لە بەیاننامەیەكدا رايگەیاند:  لە پێناو جێبەجێكردنی ئەركە نیشتمانییەكان و هاوتەریب لەگەڵ گەشەسەندنی توانا و كارایی هێزە عێراقییەكان، حكومەتی عێراق بە رێككەوتن لەگەڵ حكومەتی ویلایەتە یەكگرتووەكانی ئەمریكا، سەركەوتنی خولی دانوستانی بەردەوامی نێوان هەردوولا رادەگەیەنێت كە لە مانگی ئابی 2023 دەستیپێكرد و بە پێویستی دامەزراندنی لیژنەی باڵای سەربازی (HMC) لەسەر ئاستی گروپەكانی كاركردن بۆ هەڵسەنگاندنی هەڕەشە و مەترسییەكانی داعش لە بارودۆخ و پێداویستییەكانی ئۆپەراسیۆنەكان و بەهێزكردنی توانای هێزە ئەمنییەكانی عێراق، بەمەبەستی داڕشتنی خشتەی كاتی دیاریكراو و ڕوون كە ماوەی بوونی ڕاوێژكارانی هاوپەیمانی نێودەوڵەتی لە عێراق دیاری بكات و دەستپێشخەری كەمكردنەوەی وردە وردە و بە ئەنقەست راوێژكارەكانی لەسەر خاكی عێراق و كۆتایی هێنان بە ئەركی سەربازی هاوپەیمانی دژ بە داعش.
ئاماژەی بەوەشكرد: رێككەوتنەكە گواستنەوەی پەیوەندییە هەمەلایەنەكانی دووقۆڵی لەگەڵ وڵاتانی هاوپەیمانی، سیاسی، ئابووری، ڕۆشنبیری، ئەمنی، و سەربازی لەخۆدەگرێت، كە هاوتەریبە لەگەڵ دیدگای حكومەتی عێراق، بەتایبەتی رێككەوتنی چوارچێوەی ستراتیژی، كە پەیوەندییە هەمەلایەنەكانی نێوان عێراق و ویلایەتە یەكگرتووەكانی ئەمریكا ڕێكدەخات و رەنگدانەوەی خواستی هاوبەشی هاوكاریی نێوان هەردوولایە بەشێوەیەك كە بەرژەوەندییەكانی هەردوو وڵات بەدیبهێنێت و بەشداربێت لە بەهێزكردنی رۆڵی ناوچەیی و نێودەوڵەتیی عێراق بەشێوەیەك كە لەگەڵ پێگەی مێژوویی خۆیدا بگونجێت و باشترین پەیوەندی لەگەڵ كۆمەڵگەی نێودەوڵەتی بۆ خزمەتكردنی بەرژەوەندییەكان و خواستەكانی گەلی عێراق.
ئاشكراشیكرد: هەردوولا پشتیوانی خۆیان بۆ كارەكانی لیژنەكە دەربڕی و ئاسانكارییان بۆ كارەكانی كرد و خۆیان بەدوور گرت لە هەر شتێك كە ڕێگری لە كارەكانی بكات یان دوابخات، چونكە پاراستنی رێڕەوی كارەكانی لژنەكە و سەركەوتنی لە بەدیهێنانی ئەركەكەی بەرژەوەندییەكی نیشتمانییە جگە لە بەشداریكردن لە پاراستنی سەقامگیری عێراق و ناوچەكە، هاوكات وەزارەتی دەرەوەی عێراق رنیكردەوە: حكوومەت داوای كرد كارەكانی ئەم لیژنەیە رانەگیرێت، گرفت و پچڕانی تێنەكەوێت، هەروەها كار بۆ ئەوە بكرێت كە دەستكاری سەقامگیریی عێراق نەكرێت بۆ گەیشتن بە ئامانجی تایبەت.
دووپاتیشیكردەوە: عێراق پابەندبوونی خۆی بە سەلامەتی راوێژكارانی هاوپەیمانی نێودەوڵەتی نوێ دەكاتەوە لە ماوەی دانوستانەكاندا لە سەرتاسەری وڵات، بۆ پاراستنی سەقامگیری و رێگریكردن لە تاودان، هەروەها حكومەت تەئكید لە پێشوازیی خۆی بۆ ئەم رێككەوتنە دەكاتەوە و بە بەشێك لە جێبەجێكردنی دەزانێت لە بەرنامەی حكومەت و ئەو بەڵێنانەی كە لەبەردەم خەڵكدا پابەند بووە پێیەوە.