هەماهەنگییەکی چاوەڕوانکراوی دەریایی عێراق و کوەیت... و ئەعرەجی: ئاسایشی هەردوو وڵات یەکە

18:52 2025-06-24 40547 عێراق 0

2025-06-24

40547

قاسم ئەعرەجی ڕاوێژکاری ئاسایشی نەتەوەیی ئەمڕۆ سێشەممە دووپاتیکردەوە کە ڕێنماییەکانی محەممەد شیاع سودانی سەرۆک وەزیران ڕوونن سەبارەت بە دامەزراندنی پەیوەندی هاوسەنگ لەگەڵ وڵاتانی دراوسێ، لەوانەش بەردەوامی هاوکاری و هەماهەنگی نێوان عێراق و دەوڵەتی کوێتی برا.
نووسینگەی ڕاگەیاندنی ڕاوێژکاری ئاسایشی نەتەوەیی لە بەیاننامەیەکدا کەدەستی موتەڵع کەوتووە ڕایگەیاندووە، "ئەمڕۆ سێشەممە ئەنجومەنی ئاسایشی نەتەوەیی دانیشتنی نۆیەمی ساڵی ٢٠٢٥ی بە سەرۆکایەتی قاسم ئەعرەجی ڕاوێژکاری ئاسایشی نەتەوەیی ئەنجامدا و ئەندامانی ئەنجومەنەکەش ئامادەی بوون". ئاماژەی بەوەشکردووە، "ئەنجومەنەکە گفتوگۆی لەسەر بابەتەکانی بەرنامەی کار کردووە و بڕیار و ڕاسپاردەی پێویستی سەبارەت بەو بابەتانە داوە".
ئاماژەی بەوەشکرد، ئەنجومەن تاوتوێی ڕەشنووسی یاداشتنامەی لێکتێگەیشتنی سەبارەت بە هاوکاری و هەماهەنگی ئاسایشی دەریایی لە نێوان وەزارەتی بەرگری عێراق و وەزارەتی بەرگری کوێت کردووە، کە لەلایەن ئەو لیژنەیە تایبەتمەندەی بۆ ئەو مەبەستە پێکهێنراوە پێشکەش کراوە و ئەنجومەنیش ڕاسپاردەی گونجاوی لەو بارەیەوە خستۆتەڕوو.
لە میانی دانیشتنەکەدا، ئەعرەجی جەختی لەوە کردەوە کە: ڕێنماییەکانی سەرۆک وەزیران ڕوون و ئاشکرایە سەبارەت بە دامەزراندنی پەیوەندیی هاوسەنگ و شەفاف و ڕاستگۆیانە، بەتایبەتی لەگەڵ وڵاتانی دراوسێ، لەوانەش بەردەوامی هاوکاری و هەماهەنگی نێوان عێراق و دەوڵەتی کوێتی برا لەسەر پرسە هاوبەشەکان و بابەتە هاوبەشەکان. ئاماژەی بەوەشکرد، "ئاسایش و سەقامگیری هەردوو وڵات یەکن، هەروەها هەردوو وڵاتی دراوسێ بەردەوام هەماهەنگن بۆ دڵنیابوون لە بەردەوامیی ئاسایشی خۆیان و ناوچەکە".
یاداشتێکی لێکتێگەیشتن بۆ هاوکاری لە بواری بەرەنگاربوونەوەی توندڕەوی توندوتیژ لە نێوان ڕاوێژکاری ئاسایشی نیشتمانی/لیژنەی نیشتمانی بۆ بەرەنگاربوونەوەی توندڕەوی توندوتیژی کە دەبێتە هۆی تیرۆر و فەرمانگەی دەرەوە و کۆمۆنوێڵسی بەریتانیا و ئێرلەندای باکوور تاوتوێ کرا و بڕیارێکی گونجاو سەبارەت بەو بابەتە درا.