نه‌وه‌ی نوێ: ده‌ستگیركردنی شاسوار عه‌بدولواحید سیاسییه‌ ‏

00:29 2025-08-14 40754 كوردستان 0

2025-08-14

40754

په‌رله‌مانتارانی نه‌وه‌ی نوێ رایانگەیاند، ده‌ستگیركردنی شاسوار عه‌بدولواحید، سه‌رۆكی جوڵانه‌وه‌كه‌ سیاسییه‌ و یاسایی نیه.
‏
‏ڕێبوار ئه‌وڕه‌حمان، ئه‌ندامی فراكسیۆنی نه‌وه‌ی نوێ ئه‌مڕۆ چوارچه‌ممه‌ له‌میانی كۆنگره‌یه‌كی ڕۆژنامه‌وانیدا، ڕایگه‌یاند، "جوڵانه‌وه‌ی نه‌وه‌ی نوێ ڕاهاتوه‌ له‌گه‌ڵ ئه‌و ڕه‌فتارانه‌ی پارتی و یه‌كێتی، ئه‌مڕۆ چاوه‌ڕوان بوین بهێنرێته‌ به‌رده‌م دادوه‌ر، به‌ڵام به‌شێوه‌یه‌كی نایاسایی هێڵرایه‌وه‌ و براوه‌ته‌ شوێنێكی نادیار".
‏
‏ئاماژه‌ی به‌وه‌شكرد، په‌یامی ئه‌وان بۆ پارتی و یه‌كێتی ئه‌وه‌یه‌ له‌ ئاماده‌بون یاخود ئاماده‌نه‌بونی شاسوار عه‌بدولواحید، به‌رده‌وام ده‌بن له‌سه‌ر كاركردنیان له‌ جوڵانه‌وه‌كه‌، بۆ هه‌ڵبژاردنی داهاتوش نه‌وه‌ی نوێ به‌ ته‌واوی توانایه‌وه‌ به‌شداری ده‌كات.
‏ڕێبوار ئه‌وڕه‌حمان وتیشی، "هه‌موان ده‌زانن كه‌ ئه‌م دۆسیه‌یه‌ سیاسیه‌ و له‌ به‌رامبه‌ر ڤیدیۆیه‌كی شاسوار عه‌بدولواحیده‌ كه‌ وتی ئه‌گه‌ر تا هه‌فته‌ی داهاتو پابه‌ندی ڕێكه‌وتنه‌كه‌ نه‌بن ئه‌وا جوڵانه‌وه‌كه‌ هه‌نگاوی كرده‌یی ده‌نێت".
‏راشیانگەیاند: لەرووی یاساییەوە بە غیابی حوكمدراوەو پارێزەكەی پەڵپی گرتووە لەو بڕیارە.
‏رونیشیانكردەوە: بۆچی پێش شەش ساڵ داوا تۆماركراوە ئێستا جێبەجێی دەكەن بۆیە بڕیارەكە سیاسیە نەك یاسایی، و هەندێك لە دادوەرەكانیش لەژێر فشار و كاریگەری حزبدان.
‏باسیان لەوەشكرد: شاسوار عەبدولواحید لەسەر ئەوەی وتویەتی ئەگەر موچە نەدەن هەڵوێست رادەگەیەنین بۆیە دەستگیریان كردووە، تا ئێستاش نازانین لە كوێ دەستبەسەرەو نەشیان هێنا بۆ دادگا.
‏ئه‌وه‌شی وت، "سه‌لامه‌تی گیانی شاسوار عه‌بدولواحید له‌ ئه‌ستۆی پارتی و یه‌كێتی و له‌ نێویشیاندا بافڵ تاڵه‌بانیدایه‌ و ئه‌و كرده‌وه‌یه‌شیان به‌مانای ترساندنیان دێت له‌ هه‌ڵبژاردن".