مەندەلاوی جەختیکردەوە لەسەر هەموار كردنەوەی یاسای پارێزەران

22:02 2024-03-03 70755 عێراق 0

2024-03-03

70755

سەرۆكی ئەنجومەنی نوێنەران بە وەكالەت موحسین مەندەلاوی ئەمڕۆ یەكشەممە پێداگری ئەنجومەنی نوێنەران بۆ هەمواركردنەوەی یاسای پارێزەان دووپاتكردەوە.
نووسینگەی ڕاگەیاندنی سەرۆكی ئەنجوومەنی نوێنەران بە وەكالەت لە بەیاننامەیەكدا رایگەیاند : مەندەلاوی لە بینای ئەنجومەن چاوی كەوت بە كۆمەڵێك پارێزەر و یاساناس لەپارێزگا جیاجیاكانی عێراق ، بۆ ئەوەی ئاگاداری كێشە و پێداویستییەكانیان بێت و هەروەها بۆ ئاڵوگۆڕی پێشنیار سەبارەت بە یاسا پەیوەندیدارەكان.
مەندەلاوی جەختی لەوە كردەوە بەپێی بەیاننامەكە: كە ئەنجوومەنی نوێنەران بڕیاریداوە،لە خولی ئێستایدا یاسای پارێزەران دابڕێژێت، بەو پێیەی پێشنیاری هەمواركردنەوەی یاسای ژمارە (173)ی ساڵی 1965 خراوەتەڕوو لە خشتەی كارەكانی دانیشتنی پێشوو و بۆ یەكەم جار خوێندرایەوە، بە ئاراستەكردنی بەشداریكردنی سەندیكای پارێزەران و یاساناسان لە كۆبوونەوەكانی لیژنەی یاساییدا بۆ ئەوەی سەرنج و بیرۆكەكانیان بە شێوەیەك بخەنەڕوو كە بەشداربێت لە پێگەیشتنی یاسا و ئامانجی یاسادانانەكەی بەدی دەهێنێت.
لە ڕاگەیەندراوەكەدا ئاماژە بەوەشكراوە : لە میانی كۆبوونەوەكەدا گوێمان لە كێشەكانی بەردەم چینی پارێزەران و یاساناسان گرت، تیشكمان خستە سەر پێداویستییەكانیان و بەتایبەتی لەسەر ئاستی یاسادانان، هەروەها جەختمان لەسەر گرنگی ئەم توێژە لە كۆمەڵگا و نزیكیی لە كارەكانی ئەنجومەن كردەوە و پێویستی كاركردن بۆ دادپەروەری لەگەڵیدا و تێپەڕاندنی ئەو سەختییانەی كە ڕووبەڕووی دەبێتەوە.