مەسعود بارزانی پێشوازی لە باڵیۆزی بەریتانیا لە عێراق کرد
ڕۆژی چوارشەممە 27ی ئاداری 2024، لە سەلاحەددین سەرۆكی پارتی دیموکراتی کوردستان مەسعود بارزانی پێشوازی لە ستیڤن هیچن، باڵیۆزی بەریتانیا لە عێراق كرد.
بە گوێرەی راگەیەندراوی بارەگای بارزانی، لە دیدارەكەدا بیروڕا لەبارەی بارودۆخی سیاسیی عێراق و هەرێمی كوردستان ئاڵۆگۆڕ كرا و پەیوەست بە بابەتی هەڵبژاردن بارزانی ئەوەی دووپاتكردەوە كە "هەر لە 1991ـەوە پارتی دەستپێشخەری هەڵبژاردن و گواستنەوەی شەرعیەتی شۆڕشگێڕی بۆ شەرعیەتی یاسایی بووە و هەمیشەش لە هەڵبژاردنەكاندا دەنگی یەكەمی هێناوە. ماوەی دووساڵە كە هەڵبژاردنەكان بە بیانووی جۆراوجۆری سیاسی و هاندانی دەرەكی دوادەخرێت، ئێستاش كە بە بڕیاری سیاسی دادگەی فیدڕاڵ و بەپێی ئەجێندای دەرەكی دەسكاریی یاسای هەڵبژاردن كراوە، ئینجا دەڵێن با هەڵبژاردن بكرێت".
بارزانی ئەوەشی خستووەتەڕوو، "ئێمە خوازیاری بەڕێوەچوونی هەڵبژاردنین، بەڵام دوور لە دەستێوەردانی دەرەكی و بڕیارە سیاسییە مەبەستدارەكانی دادگەی فیدڕاڵ كە ئامانج لێی شكاندنی پارتی بێت". سەرۆك بارزانی ڕاشیگەیاند، "ئێمە ناچینە ژێر باری بڕیاری نادەستووری دادگەی فیدڕاڵ كە تێیدا دادگە خۆی خستووەتە جێگەی دەستەڵاتی یاسادانان و جێبەجێكردن". هەروەها ئەوەشی دووپاتكردەوە، "تێبینی و داواكارییەكانی پارتی یاسایی و لە چوارچێوەی دەستوور و لەپێناو بەڕێوەچوونی هەڵبژاردنێكی ڕاست و ڕەوا و بێگەردە".
بارزانی لە بەشێكی دیکەی گوتەکانیدا تیشكی خستەسەر، "سیاسەتی برسیكردن و بڕینی بودجەی خەڵكی كوردستان و جەختی كردەوە كە ناكرێ مامەڵەی سیاسیانە لەگەڵ بودجە و قووتی خەڵكی كوردستان بكرێت بۆ لاوازكردن و شكاندنی ئیرادەی گەلی كوردستان، بەپێویستی زانی كە چارەسەرەكی یەكلاكەرەوە بۆ بابەتی بودجەی هەرێم دابنرێت". ئەوەشی بۆ شاندی میوان ڕوونكردەوە كە "ئێمە پشتئەستوورین بە ڕەوایەتیی دۆزی گەلەكەمان و هەرێمی كوردستان بە خوێن و فرمێسكی گەلی كوردستان دروست بووە نەك بە بڕیاراتی دەرەوەی ئیرادەی گەلی كوردستان".
هەر لەو دیدارەدا باڵیۆزی بریتانیا لە عێراق جەختی لەوە كردەوە، وڵاتەكەی هەر لە سەرەتای نەوەدەكانی سەددەی ڕابردوو هەتا ئێستا بە بایەخەوە سەیری هەرێمی كوردستان دەكات و پاڵپشتیەتی و لەگەڵ هەرێمی كوردستانی بەهێز و سەقامگیر دایە. باسی لەوەشكرد "ڕۆڵی پارتی لە پڕۆسەی سیاسیی عێراق و كوردستان گرنگە و پڕۆسەی سیاسی و هەڵبژاردن لە هەرێمی كوردستاندا بە بێی ڕۆڵی پارتی پڕۆسەیەكی كامل نابێت و دەمانەوێت یارمەتیدەر بن بۆ چارەسەركردنی كێشەكان". ڕاشیگەیاند، لە نیگەرانییەكانتان تێ دەگەین و بۆیە لێرەین بۆ ئەوەی بزانین چۆن بەشدار و هاوكار بن بۆ چارەسەری كێشەكان و بەڕێوەچوونی هەڵبژاردنێكی ئازاد و پاك و بێگەرد.
كلمات مفتاحية
اخبار ذات صلة
تعليقات
أحدث الاخبار
ريال مدريد يسحق لايبزيج برباعية لهدف في دوري الأبطال
التعليم تقر وقفة ضد منع الحجاب وتوافق على استقطاب الطالبات الأذربيجانيات المحجبات
الصدر يهاجم توجهات منع الحجاب: محاولة لقمع الأسس الإسلامية
إغلاق المنافذ البرية بين إيران والعراق: قرار يمسّ المصالح الاقتصادية والعلاقات الأخوية بين البلدين
العراق يوقع مذكرة تفاهم جديدة مع أمريكا لتطوير الحقول النفطية
واشنطن تفرض عقوبات جديدة على شبكات دعم أسطول إيران الظل
الإيقاع بشبكة نفذت جرائم وانتحل أفرادها صفات شخصيات أمنية وقضائية
الزيدي يترأس اجتماع الهيئات المستقلة ويقر تدابير صارمة لمكافحة الفساد
فوز الحشد ونفط البصرة وتعادلات حاسمة بختام الجولة الثامنة للدوري الممتاز
استقرار أسعار الصرف بأسواق بغداد وتراجع طفيف في أربيل
الحكومة توضح بشأن إغلاق الحدود وتنفي وجود للحوثيين وتنسق لحسم ملف السلاح
النزاهة تُوقع بشبكة زورت عودة موظف مستقيل لنهب رواتب ست سنوات
السجن مدى الحياة بحق مدان بإفشاء أسرار الدفاع عن البلاد لدولة معادية
تحركات رسمية لرصد المخالفات الإعلامية وتطبيق إجراءات صارمة بحق المنصات المتجاوزة
المفوضية تحدد اسم النائب البديل عن حسن الخفاجي
أسعار الدولار تسجل قفزة جديدة وتواصل صعودها المفاجئ في الأسواق المحلية
عراقجي: لا فتح لهرمز ولا مفاوضات جديدة دون التزام واشنطن بمذكرة إسلام آباد
