مۆسکۆ هاتنەبواری جێبەجێکردنی پەیماننامەی هاوبەشی ستراتژی لەگەڵ ئێران ڕاگه‌یاند

22:03 2025-10-02 37734 عەرەبی و نێودەوڵەتی 0

2025-10-02

37734

وه‌زاره‌تی ده‌ره‌وه‌ی ڕوسیا جێبەجێکردنی په‌یماننامه‌ی هاوبه‌شی ستراتیژی تۆكمه‌ی نێوان روسیا و ئێرانی به‌ بڕگه‌یه‌كی گرنگ له‌ مێژوی په‌یوه‌ندیه‌كانی نێوان هه‌ردو وڵات وه‌سفكرد و ده‌ڵێت، ئەو پەیماننامەیەیه‌، "ڕەنگدانەوەی هەڵبژاردنی ستراتیژیی سەرکردایەتی سیاسی باڵای ڕوسیا و ئێرانە بۆ پتەوکردنی هەمەلایەنەی پەیوەندی دۆستانە و دراوسێی باش، هاوتەریب لەگەڵ بەرژەوەندییە بنەڕەتییەکانی گەلانی هه‌ردو وڵات".

وەزارەتی دەرەوەی ڕووسیا ئه‌مڕۆ پێنجشەممە لە بەیاننامەیەکدا باسی له‌وه‌كردوه‌، "پەیماننامەی هاوبەشی ستراتیژیی هەمەلایەنەی نێوان ڕوسیا و کۆماری ئیسلامی ئێران کە لە لایەن ڤلادیمیر پوتن، سەرۆکی ڕوسیا و مه‌سعود پزیشكیان، سەرۆک کۆماری ئێران لە 17ی 1ی ئه‌مساڵدا لە مۆسکۆ واژۆ کراوە، لە ئه‌مڕۆوه‌ بە فەرمی دەچێتە بواری جێبەجێکردنەوە".
ئاماژه‌ی به‌وه‌شكردوه‌، "ئەو ڕوداوە بڕگەیەکی گرنگه‌ لە مێژوی پەیوەندییەکانی ڕوسیا و ئێراندا، کە لە ڕوی چۆنایەتییەوە گەیشتوەتە ئاستێکی نوێی هاوبەشی ستراتیژی هەمەلایەنە".

لە بەیاننامەکەدا هاتوه‌، پەیماننامەکە ڕێنماییە سەرەکییەکان لە هەمو بوارە یەکەمایەتییەکانی هاوکاری درێژخایەنی دولایەنەدا دادەمەزرێنێت.
ڕێککەوتنەکە داوای بەهێزکردنی هاوکارییەکان لەسەر ئاستی نێودەوڵەتی دەکات لە چوارچێوەی نەزمێکی جیهانی فرە جەمسەری سەرهەڵدەدات، لەوانەش هەماهەنگییەکی نزیک لەناو ڕێکخراوە فرەلایەنە پێشەنگەکان، هەوڵی هاوبەش بۆ بەرزکردنەوەی سەقامگیری و ئاسایش لە ناوچەکەدا، و ڕوبەڕوبونەوەی ئاستەنگ و هەڕەشە هاوبەشەکان.

لە بەیاننامەکەدا جەختی لەوە کردوەتەوە کە ئەو پەیماننامەیەیه‌، "ڕەنگدانەوەی هەڵبژاردنی ستراتیژیی سەرکردایەتی سیاسی باڵای ڕوسیا و ئێرانە بۆ پتەوکردنی هەمەلایەنەی پەیوەندی دۆستانە و دراوسێی باش، هاوتەریب لەگەڵ بەرژەوەندییە بنەڕەتییەکانی گەلانی هه‌ردو وڵات".