مالیکی لە دەستپێکی بانگەشەی هەڵبژاردنەکاندا داوای کێبڕکێی ئەرێنی و بێگەرد دەکات

00:33 2025-10-03 42164 عێراق 0

2025-10-03

42164

نووری مالیکی سەرۆکی هاوپەیمانی دەوڵەتی یاسا ئەمڕۆ هەینی جەختی لەوە کردەوە، لەگەڵ دەستپێکردنی بانگەشەی هەڵبژاردن، گرنگی دڵنیابوون لەوەی کە کێبڕکێی نێوان کاندیدەکان ئەرێنی بێت و دوور بێت لە بێڕێزیکردن یان دڕاندنی تابلۆی بانگەشەی هەڵبژاردن. داوای پابەندبوون بە پرەنسیپەکانی برایەتی نیشتمانی و ڕێنماییەکانی کۆمسیۆنی باڵای سەربەخۆی هەڵبژاردنەکان دەکات.
لە بەیاننامەیەکدا کەدەستی موتەڵع کەوتووە، مالیکی ڕایگەیاند، "ئەمڕۆ سەرەتای کێبڕکێی هەڵبژاردنە، ڕۆژێکی گەورەیە بۆ پێشبڕکێیەکە بۆ پێشکەشکردنی باشترین کاندیدەکان، وەک وەفایەک بۆ ئەو کەسانەی لە پێناوی ئەزموونێکی سیاسی و دیموکراسیدا قوربانییان داوە و شەهید بوون کە نیشتمانێکی بەهێز و گەلێکی ئاوەدان لە عێراقێکی ئارامدا بنیات بنێت کە هەموو ڕۆڵەکانی پێکەوە بژین و کێبڕکێی ڕاستگۆیی بکەن".
ئاماژەی بەوەشکرد، "پێویستە کێبڕکێ دادپەروەرانە بێت، دوور بێت لە خراپ بەکارهێنانی سامانی گشتی و سامانی دەوڵەت"، جەختیشی لەوە کردەوە کە "پێویستە هاوڵاتیان وەک ئەرکێکی نیشتمانی بچنە سەر سندوقەکانی دەنگدان، نەک دەنگەکانیان یان کاغەزی دەنگدانیان بفرۆشن، هەروەها دژی هەر هەوڵێک بۆ کڕینی دەنگدەران بوەستنەوە".
ئەلمالیکی لە درێژەی قسەکانیدا وتی: ئێمە هەڵبژاردنێکی دادپەروەر و تەندروستمان دەوێت کە شانازی پێوە بکەین، دەڵێین گەلەکەمان بە شێوەیەکی شارستانی مامەڵەی لەگەڵ ئەم ئەرکە پیرۆزە کردووە و ئیلهامیان لە ئەزموونەکە وەرگرتووە بە هۆشیاری و ئیرادە و بەرپرسیارێتی.